Mazarinade n° A_4_4
Image de la page
La Mothe-Houdancourt (Henri de) [?] [1649], PREMIER FACTVM, OV DEFENSES DE MESSIRE PHILIPPES DE LA MOTTE-HOVDANCOVRT DVC DE CARDONNE, & Mareschal de France, CY-DEVANT VICE-ROY ET CAPITAINE General en Cathalogne. Auec plusieurs Requestes, Arrests, & autres actes sur ce interuenus, tant au Conseil, qu’ailleurs. , françaisRéférence RIM : M0_2849. Cote locale : A_4_4.
Ceux qui ont ecrit des Vice Rois, tiennent que c’est le plus
haut degré d’honneur où puisse paruenir vn sujet : les Rois se
dépoüillants de leurs authorité Royalle, en la remettant toute
entiere entre leurs mains. Les Iurisconsultes les comparẽt pendant
la Republique aux Proconsuls : pendãt les Empereurs, aux
Prefets du Pretoire ; & depuis les Empereurs d’Allemagne, aux
Vicaires de l’Empire ; Les Canonistes aux Cardinaux Legats à
Latere : En France nous ne les pouuons comparer qu’aux Regents
ou aux Maires du Palais, ou aux anciens Gouuerneurs
des Prouinces, qui auoient toute puissance Royalle : Auant que
le Roy Louys douziéme eût par Edict limité leur pouuoir.
Alors leurs actions estoiẽt si peu recherchées, que ceux mesmes
qu’ils employoiẽt ne le pouuoient estre. Il y en a vn exemple
assez remarquable, dans Froissard Volume 4. Chapitre 7
Iean Duc de Berry estant Gouuerneur de Languedoc, auoit
employé vn appellé Bethisac. Le Roy Charles sixiéme estant
venu en cette prouince, commanda, sur les plaintes des gens du
pays, qu’on fit le procez audit Bethisac, accusé d’auoir commis
plusieurs exactions. Le Duc de Berry interuint, qui declara
que ledit Bethisac auoit agi par ses ordres. Le Roy ayãt mis cette
affaire en deliberation, le Conseil dit à sa Maiesté, ainsi que
rapporte cét Historien, Sire, au cas que Monseigneur de Berry,
aduouë tous les faits de Bethisac à vous : quels quils soient, nous ne
pouuons voir par quelle voye de raison ait déseruy mort. Car du temps
qu’il s’est entremis par deçà, des Tailles, des Subsides, & des Aydes,
asseoir, prendre, & leuer, Monseigneur le Duc de Berry en quelle instance
il le faisoit auoit puissance Royalle comme vous auez pour le present.
Dãs la suitte du procez Bethisac témoigna quelques mauuais
sentimens contre la Religion : pourquoy il fut condamné
& bruslé comme vn Heretique. Ce qui fait conclure Froissard
en disant, Or regardez s’il estoit bien deçeu & enchanté, car s’il eut
tousiours tenu sa parole & ce pourquoy il estoit tenu & arresté, il n’eust
eu aucun mal, mais on l’eust deliuré, Car le Duc de Berry auoit tous
ses faits aduoüez.
Tels pouuoirs souuerains estans auiourdhuy abrogez en
France, il semble qu’on soit obligé au fait de Monsieur le Mareschal
Image de la page