[retour à un affichage normal]

Mazarinade n° D_2_10

Image de la page

L. D. M. E. S. DV BAIL [1649], LES GLORIEVX TRAVAVX DV PARLEMENT POVR LE MAINTIEN DE L’AVTHORITÉ DV ROY ET POVR LE SOVLAGEMENT de ses Peuples. Par L. D. M. E. S. DV BAIL. , françaisRéférence RIM : M0_1501. Cote locale : D_2_10.

a fait d’abondant de nostre Roy à minuit,
est vn crime trop important pour ne vous auoir
pas émeu, Parlement aussi genereux que iuste ! Cét
enleuement n’a pas seulement estonné toute vostre
illustre Compagnie : mais il a aussi tellement
sur pris tous les esprits des peuples, que sans le bon
ordre que vous auez estably, & par la iustice, & par
la voye des armes, il n’y eust pas eu moyen de les
remettre, ny de leurs apprehensions, ny de leurs
desplaisirs sensibles.
 
C’est auiourd’huy que tous les François & les
Estrangers voyent Pallas armée, & que l’on connoit
que les Lettres & les Armes ne sont point tellement
incompâtibles, qu’elles ne s’accordent
bien ensemble. Vous nous en faites bien voir l’experience,
SENAT, autant redouté des meschans,
qu’il est aimé & chery des gens de bien ! & vostre
parti est si iuste, ayant pour but la gloire de Dieu,
le seruice du Roy, & le maintien de son Authorité,
contre vn Estranger, que vous auez banny du
Royaume, qu’il a attiré à soy vn Prince du Sang,
d’autres grands Princes, & beaucoup de grands
Seigneurs, tous les autres Parlemens, & les Prouinces
qui sont toutes en armes pour la cause commune,
& pour ruiner le perturbateur du repos
public qui a l’ame Espagnole, & le cœur Italien.
Que vous reste t’il donc plus maintenant, Oracle
de Themis, sinon de continuer comme vous
auez commencé, à trauailler pour la seureté de Paris,
pour l’heureux retour de sa Maiesté en cette