[retour à un affichage normal]

Mazarinade n° A_9_27

Image de la page

Hanniques de Benjamin, Charles de [signé] / Gondrin, L. Henry de [signé] [1650], PROCEDVRES FAICTES CONTRE LES PP. IESVISTES DE LA VILLE ET DIOCESE DE SENS, ET ORDONNANCE DE MONSEIGNEVR L’ARCHEVESQVE. PORTANT DEFFENCES AVSDITS PERES d’Administrer le Sacrement de Penitence, sans permission & Approbation signée dudit Seigneur, où de ses Vicaires Generaux, sur les peines portée par jcelle. , françaisRéférence RIM : Mx. Cote locale : A_9_27.

Freres de la Societé du Nom de IESVS de se presenter
aux Confessionaux, & d’entendre les Confessions des fideles
soubs peine des censures, & à tous nos Diocesains de l’vn
& l’autre sexe d’aller à confesse à eux sous peines d’excommunication,
iusques à ce que la misericorde de Dieu leur aye
donné l’esprit de soubmission aux ordres de l’Eglise, & qu’ils
ayent obtenu nostre approbation : Et cõme la charité nous
oblige de nous seruir de remedes les plus doux auant que de
recourir aux extrémes pour les remettre en leur deuoir, &
pour oster le scandale qu’ils causent en nostre Diocese ; Novs
enioignons à tous les Curez d’exhorter les peuples en leurs
Prosnes ; de prier Dieu qu’il leur donne vn cœur nouueau
auec le sentiment de ne plus resister à la verité, afin qu’ils
puissent contribuer auec nous à l’augmentation de sa gloire
& au salut des ames : Et afin que les presentes soient notoires
à vn chacun. Novs voulons & Ordonnons, qu’à la diligence
de nostre promoteur elles soient signifiées ausdits
Freres de la Societé du Nom de IESVS, affichées aux portes
des Eglises, publiées aux Prosnes des Parroisses, & par tout
ailleurs où besoin sera, & qu’aux copies d’icelles collationnées,
& signées par nostre Secretaire, foy soit adioustée
cõme à l’original. DONNÉ à Sens dans nostre Palais Archiepiscopal,
le 4. iour de May mil six cens cinquante.
 
Ainsi signé, L. HENRY DE GONDRIN ARCH. DE SENS.
Et plus bas, Par le commandement de mondit Seigneur.
FOVRMENT, Auec paraphe.
L’Ordonnance cy dessus a esté signifiée par Maistre Hierosme Bouriot Notaire
Apostolique demeurant à Sens, aux Freres Iesuistes de ladite ville, en parlant
à la personne de Frere Iacques Potin Recteur du College, le Vendredy 6.
May 1650. Et le Dimanche suiuant 8. dudit mois affichée aux portes de toutes
les Eglises, leue & publiee par les Curez, aux Prosnes de leurs Messes Parroissialles,
& en suitte les prieres publiquement faites pour eux, suiuant qu’il est
porté par l’Ordonnance.