[retour à un affichage normal]

Mazarinade n° A_9_27

Image de la page

Hanniques de Benjamin, Charles de [signé] / Gondrin, L. Henry de [signé] [1650], PROCEDVRES FAICTES CONTRE LES PP. IESVISTES DE LA VILLE ET DIOCESE DE SENS, ET ORDONNANCE DE MONSEIGNEVR L’ARCHEVESQVE. PORTANT DEFFENCES AVSDITS PERES d’Administrer le Sacrement de Penitence, sans permission & Approbation signée dudit Seigneur, où de ses Vicaires Generaux, sur les peines portée par jcelle. , françaisRéférence RIM : Mx. Cote locale : A_9_27.

qu’ils ne puissent valablement entendre lesdites Confessiõs,
pour ce que ledit appel par eux interietté fait cesser l’effet
de nostre dit iugement, ce qui est directement contre l’Ordonnance
de l’an 1539. en l’article 5. qui veut en termes expres,
que les appellations mesmes comme d’abus interietté
es par les personnes Ecclesiastiques és matieres de discipline
& correction ou autres pures personnelles, & non
dependantes de realité n’ayent aucun effect suspensis ;
ains que non obstant lesdites appellations, & sans prejudice
d’icelles le juge d’Eglise puisse passer outre contre
lesdites personnes Ecclesiastiques : il seroit de dangereuse
consequense en vne matiere où il s’agit du salut des
ames, de souffrir que lesdits Iesuistes par vn attentat manifeste
contre l’authorité & iurisdiction spirituelle de mondit
Seigneur l’Archeuesque, se puissent sous pretexte dudit appel
ingerer de continuer leurs entreprises & entendre lesdites
Confessions, sans au prealables estre mis dans le deuoir
d’obtenir ladite approbation : Nous requerant à ces causes,
que veu la qualité du faict il nous plaise ordonner, que nonobstant
& sans preiudice dudit appel, & tous autres à interietter,
nostre iugement cy-deuant rendu sera executé
selon sa forme & teneur, & aux peines y portées. Surquoy
Novs, faisant droict & entherinant ladite Requeste ; Disons
que nonobstant & sans preiudice dudit appel, & tous autres
à interietter, nostre iugement dudit iour 9. du present mois
d’Avril sera executé de point en point, & que iteratiues defences
sont faites ausdits Iesuistes d’entendre lesdites Confessions
au dedans de ce Diocese iusques à ce qu’ils ayẽt fait
apparoir de l’approbation de mondit Seigneur l’Archeuesque,
sous peine d’encourir les censures Ecclesiastiques, permis
au Promoreur de cette Cour de faire informer des contrauentions :
Et sera nostre present iugement leu, publié &
affiché par tout où besoin sera, afin que personne n’en pretende
cause d’ignorance. Si mandons à tous prestres, Notaires