[retour à un affichage normal]

Mazarinade n° B_8_25

Image de la page

Habsbourg, Léopold-Guillaume de [signé] [1652], LETTRE DE L’ARCHI-DVC LEOPOLD ENVOYÉE A SON ALTESSE ROYALE. DETESTANT LA TRAHISON DV DVC CHARLES. Auec l’approche de son Armée au seruice des Princes. , françaisRéférence RIM : M0_1931. Cote locale : B_8_25.

d’exterminer vn homme perturbateur du repos
des deux Couronnes de tout temps vnies &
alliez. Mais il vous souuiendra, Monseigneur,
de ces mots ; Ne vous fiez pas au Duc Charles :
car son ame est cautherisée. Or est-il qu’il vous
a pour la derniere fois trompé (Dieu le veuille)
mais non pas moy, parce que ie me suis toujours
donné de garde de ses ruses. Ruses diaboliques,
qui ne peuuent compatir auec la qualité
de Prince. Prince indigne, lasche & poltron :
qui ayme beaucoup mieux prendre de
l’argent & ruiner tout par où il passe, que de
liurer vn seul combat. Ie ne vous le cele point
ie l’ay tousiours eu à contre cœur. Et n’eust
esté l’honneur que ie porte aux testes Couronnées
& franches : ie ne luy eusse iamais permis
de mener auec luy les trouppes d’Espagnes.
Mais qui veut la paix, il cherche tous les
moyens licites d’en iouyr. Ce traistre, (vostre
Altesse me permettra de le nommer ainsi) car ie
ne puis plus l’appeller autrement, c’est voulu,
malgré le Conseil d’Espagne, émanciper de
venir en France : pour, (à ce qu’il proposoit)
faire & conclurre vne paix Generale. Ce dessein
ce rencontra genereux parmy nous : & chacun
voyoit, par ces belles propositions que les
François, les Espagnlos, & les Vuallons, n’estoient
plus qu’vn corps vny, & bien assemblé ;