[retour à un affichage normal]

Mazarinade n° B_13_51

Image de la page

Gondi, Jean-François Paul / cardinal de Retz [faux] [1652], LETTRE DV C. D. RETZ ENVOYÉE AV CARDINAL MAZARIN Sur le sujet de son éloignement. , françaisRéférence RIM : M0_2084. Cote locale : B_13_51.

des soulleuemens, & veulent en secouant le joug
prendre le tiltre de Republique : le Roy vous a
grands obligation de ce que vous luy ostez les
plus beaux fleurons de sa Couronne. On parle
de vous par toute la terre cõme d’vn Polyhhome
qui deuore les Estats. Ie ne puis deuiner d’où
vous vient ce malheur, si ce n’est que ce soit vn
effet de vostre ignorance, ou de vostre auarice ;
cependant i’ay employé tout ce que i’ay d’eloquence
pour faire vostre Apologie. Il est bien
vray, Monseigneur, qu’il a fallu vser de beaucoup
d’artifice lors que i’ay parlé en vostre faueur
voyãt en quel décry vous estes dans l’opinion de
tout le monde, cela n’empeschera pas que ie ne
vous rende tousiours mes respects, & que ie
n’employe tout ce que i’ay d’industrie pour tout
ce qui touche vostre Eminence. Il y a desia plus
de dix année, que ie me suis voué à vostre seruice,
& je croy pouuoir dire en conscience que ie m’en
suis acquité de bonne façon ; toutefois, Monseig.
permettez que ie dise que i’ay receu peu de
tesmoignage de vostre affection. Pour dire ce
que ie pense sur ce suiet, c’est plutost vn effet de
mon mal-heur que de vostre ingratitude, c’est
luy seul que i’accuse en cette conioncture, puis
que ie me suis souuent exposé au danger d’estre
mal traitté, lors que i’ay entrepris vostre deffence