Mazarinade n° E_1_44
Image de la page
Duval, Jean [?] [1649], LES TRIOLETS DV TEMPS, SELON LES VISIONS D’VN PETIT FILS DV GRAND NOSTRADAMVS. FAITS POVR LA CONSOLATION DES BONS FRANÇOIS. ET DEDIÉS AV PARLEMENT. , françaisRéférence RIM : M0_3859. Cote locale : E_1_44.
Monsieur le Prince de Condé
A bien moderé sa colere,
Il se void si mal secondé,
Monsieur le Prince de Condé,
Qu’il est prest de quitter le dé
A son Illustrissime Frere ;
Monsieur le Prince de Condé
A bien moderé sa colere.
Le Parlement a le dessus,
Il faut qu’on luy donne des Palmes,
Ses Ennemis n’en peuuent plus,
Le Parlement a le dessus ;
Et malgré le temps si confus,
Toutes choses vont estre calmes ;
Le Parlement a le dessus,
Il faut qu’on luy donne des palmes.
Le Roy sera bien-tost icy,
Que chacun en saute de joye,
Ne nous mettons plus en soucy,
Le Roy sera bien-tost icy ;
Il va reuenir Dieu mercy,
C’est le Ciel qui nous le renuoye ;
Le Roy sera bien-tost icy,
Que chacun en saute de joye.
Monsieur le Prince de Conty,
Auec son zele & sa prudence,
A bien soustenu son party,
Monsieur le Prince de Conty,
L’Vniuers doit estre aduerty,
Qu’il a sauué la pauure France ;
Monsieur le Prince de Conty,
Auec son zele & sa prudence.
Il le faut loüer hautement,
Ce vaillant Duc de Longueuille,
Bourgeois, Messieurs du Parlement,
Il le faut loüer hautement,
Il a trauaillé puissamment
Au bien de la cause ciuile ;
Il le faut loüer hautement,
Ce vaillant Duc de Longueuille.
Ce genereux Duc de Beaufort
Sera bien auant dans l’Histoire ;
Dieu l’a tiré d’vn cruel Fort,
Ce genereux Duc de Beaufort,
Pour seruir icy de renfort,
Et pour releuer nostre gloire ;
Ce genereux Duc de Beaufort
Sera bien auant dans l’Histoire.
Monsieur d’Elbeuf & ses Enfans,
Ont fait tout quatre des merueilles,
Qu’ils sont pompeux & triomphans,
Monsieur d’Elbeuf & ses Enfans ;
On dira iusqu’à deux mille ans,
Comme des choses nompareilles ;
Monsieur d’Elbeuf & ses Enfans,
Ont fait tous quatre des merueilles.
Admirons Monsieur de Boüillon,
C’est vn Mars, quoy qu’il ait la goutte,
Son Conseil s’est trouué fort bon,
Admirons Monsieur de Boüillon,
Il est plus sage qu’vn Caton,
On fait bien alors qu’on l’écoute ;
Admirons Monsieur de Boüillon,
C’est vn Mars quoy qu’il ait la goute.
Cét Inuincible Maréchal,
Qu’on a tenu dans Pierre Ancise ;
Aprés qu’il fut franc de ce mal,
Cét Inuincible Maréchal,
Il presta son bras martial
Pour mettre Paris en franchise ;
Cét Inuincible Maréchal,
Qu’on a tenu dans Pierre Ancise.
Ie ne puis taire ce grand Cœur,
Que tout Paris vante & caresse,
C’est ce Marquis tousiours Vainqueur,
Ie ne puis taire ce grand Cœur,
C’est le Capitaine sans peur,
Qui trauaille & combat sans cesse ;
Ie ne puis taire ce grand Cœur,
Que tout Paris vante & caresse.
Image de la page