[retour à un affichage normal]

Mazarinade n° C_5_31

Image de la page

D. B. [signé] / Cyrano de Bergerac, Savinien de [?] [1649], LE GENIE DEMASQVÉ ET LE TEMPS PASSÉ ET L’ADVENIR DE MAZARIN. Par vn Gentil-homme Bourguygnon. , françaisRéférence RIM : M0_1493. Cote locale : C_5_31.

sçauroit estre impuny, & que le chastiment du mal
est dans le mal mesme.
 
Il n’a pas seulement vomy son venin contre les
hommes il l’a mesme vomi contre Dieu dans la persecution
de ceux qui annonçoient sa parole, & n’a pû
laisser en repos les Ministres de son Euangile. C’est
ainsi qu’il en a fait emprisonner quelques-vns, &
qu’il a interdit la chaire aux autres ; qu’il en a espouuanté
quelques vns par le bannissement, & quelques
autres par les menaces, comme si on ne pouuoit
estre innocent à prescher vn Dieu, & qu’il eut
entrepris de s’opposer à la gloire de celuy qu’il est
oblige de craindre. Apres auoir veu qu’il n’estoit pas
du siecle des fables, & qu’il ne pouuoit estre le successeur
de ces vieux Titans de son païs, qui oserent
attaquer les Dieux iusques dans le Ciel, il a eu la hardiesse
de porter vne partie de sa fureur iusques sur le
siege de S. Pierre, de se declarer contre le Pape, apres
auoir fait assassiner vn de ses nepueux, & de proteger
ouuertemẽt contre lui des personnes, que des larcins
publics auoient renduës criminelles au premier chef
de les rappeller au milieu de ce Royaume, & de les
remettre dans leurs charges, quoy que leurs mains
fussent encore toutes rouges du sang d’vn Escuyer
de l’Ambassadeur de France. Mais comme toutes
ces impietez s’attachent directement au Dieu que
nous adorons, & qu’il ne veut point reconnoistre,
c’est à luy à prononcer quelque iour ce qu’il a resolu
dans ses decrets eternels, & à faire esclatter comme
il luy plaira, la misericorde ou sa iustice.