[retour à un affichage normal]

Mazarinade n° C_5_24

Image de la page

D. B. [signé] / Cyrano de Bergerac, Savinien de [?] [1649], LE GAZETTIER DES-INTERRESSÉ. , françaisRéférence RIM : M0_1466. Cote locale : C_5_24.

estoit vn second peché originel dans la famille de ses
peres ; Il pouuoit ioindre les vertus Chrestiennes aux
Morales & aux Politiques pour s’en defaire, & trauailer
pour son salut, pour sa gloire, & pour sa fortune.
Cependant cét amour abominable qui ne
cherche que les enfans, & qui n’en sçauroit estre iamais
le pere, a esté vne des premiers occupations de
sa vie ; il a connu ce vice, lors qu’il le pouuoit à peine
nommer, & s’y est abandonné dans vn àge, qui est
dans tous les autres, l’âge d’innocence Dans ce commerce
pour qui les loix n’ont pû trouuer de moindre
punition que celle du feu, il fit depuis l’épreuue de ce
Tiresias de la fable, pour mettre toutes les abominations
en vsage ; & dans cét estat dont l’idée seule fait
trembler, il fut long temps le mary de ceux là mesme
dont il auoit esté la femme. Cette horrible galanterie
l’approcha de plusieurs personnes pour estre &
l’objet & le ministre de leur voluptés enragées, de
leur galand & de leur maistresse ; il deuint en suite
leur maquereau, & s’efforça par toutes ses brigues de
leur procurer ce qu’il ne pouuoit plus leur vendre. Il
fut assez heureux dans cette negotiation scanda leuse ;
il tira d’abord quelque fruict de cette Ambessade, &
quand il se vit quelque argent, il se mit insensiblement
dans le jeu ; il introduisit ceux qui luy apprenoient
à pipper, & leur fit vendre souuent ses maistres,
à moindre prix que Iudas ne vendit le sien.
Comme il reüsit dans cette nouuelle trahison, &
qu’il crût pouuoir hazarder tout seul, ce qu’il ne faisoit
auparauant qu’en partie, il rencontra ce qu’il