[retour à un affichage normal]

Mazarinade n° C_3_75

Image de la page

Caussin, Nicolas (R. P.) [signé] [1649], LETTRE DV R. P. N. CAVSSIN DE LA COMPAGNIE DE IESVS. A VNE PERSONNE ILLVSTRE Sur la curiosité des Horoscopes. , français, latinRéférence RIM : M0_2132. Cote locale : C_3_75.

où il n’y a personne qui vous prenne par la main que
pour vous embarasser.
 
Manile sçait mieux les mesures des vers que celles du Ciel.
Ptolomée est obscur & peu asseuré en la pratique. Iules Firmique
a plus de latin que de raison, s’estant fait Astrologue
par le desespoir de la iurisprudence ; la plus-part des Arabes
sont extrauagans en leur pensées, & hydeux en leur style.
Cardan est plus hardy que veritable, & nous meine par des
chemins inaccessibles, où il s’est extrement fouruoyé tout le
premier, apres auoir employé cent heures sur l’Horoscope
d’Eduard Roy d’Angleterre, si malheureusement, qu’il cherche
vn Roy bien auant dans la vie, qui n’en fist toutesfois que
saluer les portes. Pontan parle des Astres en Ciceron auec vn
beau langage & peu de fondement. Leouice & Pezel suiuent
le grand chemin des autres, Iunctin dit tout & ne dit rien.
Ce seroit chose superfluë de combattre cet art par l’Escriture,
par les Peres, par les conciles, par les bulles des Papes,
& par les loix qui l’ont tant de fois condãné comme preiudiciable
à la Religion, à l’Estat, à la vie ciuile, s’il n’est extremement
bien mesnagé. Ie me contente de vous dire que puisque
ils nous attaquent par les experiences, ie les feray experimenter
à l’ouuerture du premier Horoscope, qu’ils ne sçauront
asseurement si la personne est masle ou femelle, morte ou viue,
riche ou pauure, sçauante ou ignorante, bonne ou mauuaise,
heureuse ou malheureuse, & s’ils se meslent de luy
marquer ses temps, il ne le pouront faire qu’auec la perte de
leur reputation.
A tout cecy on respond, que l’experience l’emporte par
dessus la raison, & qu’il suffit de dire qu’il y à de grands Astrologues
qui ont fait tout fraischement des predictions merueilleuses
sur les euenemens de cette année. Il est aisé de repartir
sur ce point, que s’il arriue vne vraye prediction par hazard
entre mille faussetez, on releue cette seule verité apparente,
sans faire mention de la grande quantité de mensonges
qui l’ont precedée, & qui la suiuent. Outre que ces deuins
ont des souplesses & des artifices de predire les choses
arriuées, comme si elles estoient encore à venir, soit qu’ils