[retour à un affichage normal]

Mazarinade n° C_9_34

Image de la page

Boyer, Paul (sieur du Petit Puy) [1649], REMARQVES DES SIGNALEZ BIENS-FAITS RENDVS A L’ESTAT PAR SA TRES-AVGVSTE Maiesté Anne d’Austriche, Reyne de France & de Nauarre, depuis le commencement de sa Regence iusques à present. OV LES IVDICIEVX ET LES raisonnables, trouueront vne conduitte si glorieuse, que les siecles passez n’ont iamais veu rien de si genereux, ny rien de si extraordinaire, en faueur d’vne Monarchie si florissante que la nostre. DEDIÉES A SA MAIESTÉ, Par Paul Boyer, Escuyer sieur de Petit Puy. , françaisRéférence RIM : M0_3266. Cote locale : C_9_34.

& rendre la paix que sa Maiesté vient de
nous donner, d’vne nature inuiolable.
 
Aprez la mort si regrettée de Louys le Iuste,
ne fit elle pas assembler toutes les Chambres
du Parlemẽt, où elle fût pour les porter vnanimement
tous à l’assister dors en auant de leurs
Conseils, pour le bien de cette Couronne ?
Et depuis n’a telle pas fait tout ce qui luy à
esté possible, pour leur tesmoigner que sa
Maiesté n’auoit point d’interest qui luy fût
plus considerable que celuy du Prince & du
peuple. Ce qui obligea Monsieur le Chancelier,
de dire en cette celebre Assemblée qui
fut faite pour la Declaration de sa Regence,
que l’authorité de cette illustre Princesse ne
sçauroit estre trop grande ; puis qu’elle se trouuoit
entre les mains de la vertu mesme. Et cette
genereuse Princesse pour tesmoigner qu’elle
auoit en plus grande veneration, la qualité
de Reyne de Paix, que le titre de Reyne de
France, ne fût pas plustost receuë dans cette
dignité de Regente, qu’elle fit vne nouuelle
Declaration, par laquelle sa Maiesté confirmoit
les Edicts de pacification, voulant qu’ils
fussent exactement obseruez, pour le maintient
de la paix, & pour la continuation de la
tranquilité publique. Aussi à t’elle regné depuis
par sa vertu, aussi puissamment dans le