[retour à un affichage normal]

Mazarinade n° C_3_12

Image de la page

Bourbon-Vendôme, François de (duc de Beaufort) [signé] [faux] [1649], LETTRE DE MONSIEVR LE DVC DE BEAVFORT A MOMSIEVR LE DVC DE MERCOEVR SON FRERE. , françaisRéférence RIM : M0_2021. Cote locale : C_3_12.

que le mauuais Genie qui persecute vostre maison
de puis vn si long-temps, veut en fin, par vn dernier
coup de sa rage, la precipiter dans la honte &
l’infamie qu’elle auoit tousiours éuité parmy ses
cruelles persecutions.
 
Ie ne doubte plus à present que la Monarchie de
France ne soit bien proche de la fin, puisque ceux-là
mesme qui tiennent leur naissance de Henry le
Grand, ne croyent pas trouuer de la seureté dans
cet Estat, qu’en commettant vne lascheté qui n’a
point d’exemple dans les siecles passez.
Qui pourra croire qu’en vne mesme année vn
Roy d’Angleterre ait plustost choisi de finir sa vie
par vne mort ignominieuse, que de consentir à des
propositions desaduantageuses à l’authorité d’vn
Souuerain : & que des Princes du Sang de France
ayent recherché vne alliance vile & abjecte pour
se mettre à couuert de la haine d’vn ministre insolent
lors qu’il estoit en estat de pouuoir esuiter les
coups de sa malice, par des voyes plus seures &
plus honorables.
Que dira la France ? mais que dira toute l’Europe ?
lors qu’elle sçaura que le petit Fils d’vn des
plus grands Roys de la Terre ait espousé la niepce
d’vn Facquin, qui a esté chanté sur le Pont-Neuf ?
& proclamé dans toutes les ruës de Paris pour le
plus infame de tous les hommes ? falloit-il mespriser