[retour à un affichage normal]

Mazarinade n° B_16_28

Image de la page

B. P. D., H. de [1652], LES VERITABLES SENTIMENS D’ESTAT POVR LA PAIX, ET SVR LE SACRE DV ROY LOVYS XIV. LES MARQVES DE SA CONDVITE pour le repos de son Royaume. Par Mre H. De B. P. D. Paris. , français, latinRéférence RIM : M0_3979. Cote locale : B_16_28.

viellards pour vous conduire maintenant
comme pilotes tres-experts à conduire le vaisseau
de cette Monarchie.
 
Nous ne douterons point que vous n’ayez
l’oreille attentiuement ouuerte aux sages conseils
qu’il vous donneront pour vous faire surgir
à bon port : Si bien que ne faisant rien d’important
sans leurs aduis vous ne vous repentirez
iamais de l’auoir fait ; ce seroit aussi chose
tres-dommageable au Prince disoit le Senateur
Pompée, demander conseil à qui ne le
sçait pas donner, & encor pis à qui n’en oze dire
ses sentimens ; c’est pourquoy il est du tout
mauuais de ne s’en pouuoir ayder apres l’auoir
receu.
Vostre Majesté ne se peut mal adresser d’eslire
vn Genie plain de justice pour vn premier
Chef, veu la grande suffisance & capacité d’vn
de ces dignes personnages vieillis au maniment
des affaires de cét-Estat, puisque vous estes
né & doüé d’vn naturel si doux & debonnaire,
que vous prendrez tousiours en bonne
part l’honneste & respectueuse liberté d’vn
bon conseil là oû il ira du salut du peuple, de la
gloire & reputation de vostre nom & du bien
de vostre Estat. Aussi les fidelles Ministres
d’vn grand Roy tel que la nature nous a fait
maistre doiuent tousiours plus parler à sa personne