Mazarinade n° C_5_64
Image de la page
Anonyme [1649], INSTRVCTION PROMPTE ET FACILE, AVX PARISIENS POVR BIEN APPRENDRE l’exercice du Mousquet & de la Picque, & les rendre par faits en l’Art militaire. , françaisRéférence RIM : M0_1709. Cote locale : C_5_64.
se serreront contre icelle en flanc, de sorte que chacun aye ses coudes libres, pour
manier plus commodement son espée.
Serrez vos files à gauche.
La premiere file à gauche se tiendra ferme, & les autres les serreront aussi en
flanc, comme dessus.
Serrez vos rangs.
Le premier rang se tiendra ferme, & les autres s’auanceront au dernier d’iceluy,
de la longueur de l’espée, l’vn apres l’autre : comme pour exemple, le second
apres le premier : le troisiesme, dernier le second : le quatriesme dernier le troisiesme
rang : & ainsi consequemment.
Ouurez vos file à droict.
On fait vn quart de tour à droict, & prend on vne plus grande distance, & demeureront
les rangs serrez.
Ouurez vos files à gauche.
S’entend que les rangs s’ouuriront à mesme façon comme cy-deuant hormis
que l’on fait icy le quart de tour à gauche
Ouurez vos rangs en auant.
Les rangs se departent, & diuisent l’vn de l’autre en auant, prenant vne plus
grande, ou bien leur premiere, distance, se tenant le dernier rang ferme en sa place.
Ouurez vos rangs en arriere.
L’on fait le demy tour à droit, en ouurant & remettant les rangs comme dit est.
A droit faire la conuersion.
L’on fait icy le tour, ou le demy tour à droict, ou à gauche, ayant les rangs &
les files serrées.
A gauche faites la conuersion.
L’on en fait le mesme à gauche,
que cy-dessus à droict.
A droict par files faites la contremarche.
Il faut faire le demy tour à droit : puis marcher iusques à ce que le premier rang
du front vienne en la place du dernier rang de la queuë : que l’on se prenne garde
aussi, que chacun suiue sa file, en gardant bien son rang, comme en toutes autres
actions.
A gauche par files faites la contremarche.
Ce qui a esté fait à droict, le mesme se fera icy à gauche.
A droict par rangs, faites la contremarche.
Il faut qu’au prealable de l’action, la troupe soit tournée à droit, ou à gauche :
en apres fera on la contremarche de mesme façon que dessus.
A gauche par rangs, faites la contremarche.
Ce qui s’est fait à droict cy-dessus, se fait aussi à gauche.
Doublez vos files à droict.
C’est d’en mettre deux en vn, se tenant le premier, le 3. le 5. & le 7. &c. fermes
en leurs places à droict, lesquelles seront doublées, & ainsi consecutiuement.
Doublez vos files à gauche.
Le mesme se fait à gauche.
Files remettez-vous
Chacun se remet en sa premiere place.
Doublez vos rangs à droict
Il faut faire icy de deux rangs vn, & se tenant le premier ferme en sa place lequel
sera doublé à droict, par le second rang ; le troisiesme par le quatriesme, &
ainsi consequemment, iusques à ce que tous les rangs se trouuent reduits au
nombre de cinq.
Doublez vos rangs à gauche.
Comme on a doublé les rangs à droict, que l’on face le mesme à gauche.
Rangs remettez-vous.
Chacun se remet en son premier lieu.
A droict par demy files doublez vos rangs.
L’on presupose icy vn bataillon, ou vne trouue de la hauteur de dix hommes,
qui feront dix rangs ; de sorte que les cinq derniers rangs entreront à droict a
chaque Soldat des premiers cinq rangs, à sçauoir que le sixiesme rang double
le premier : le septiesme double le second : le huictiesme, le troisiesme : le neufuiesme,
le quatriesme : le deuxiesme, le cinquiesme, & dernier rang.
A gauche par demy files doublez vos rang.
L’on fait le mesme comme à main droicte, hormis qu’on double à gauche.
Rangs remettez-vous.
C’est qu’vn chacun se remet en place.
FIN.
Image de la page