[retour à un affichage normal]

Mazarinade n° C_9_43

Image de la page

Anonyme [1649], TRES-HVMBLES REMONSTRANCES DE LA PROVINCE DE GVYENNE, AV ROY. , français, latinRéférence RIM : M0_3828. Cote locale : C_9_43.

quand par vne grande estime qu’elle conceut de la
vertu & de la saincteté d’vn Prophete, elle donna ce
qu’elle auoit d’asseuré dans les mains, pour s’attendre
à l’incertain, & s’arracha à elle & à ses enfans vn
pain cuit sous la cendre, qui luy restoit seul dans sa
maison, n’égale pas cét amour aueugle dont i’ay par
tout accompagné le progrés de vos victoires, sans
vouloir iamais esplucher la fin ny le sujet de tant
de guerres, me persuadant qu’il en est de ces hautes
veritez, comme de toutes celles qui reposent dans
la nuict & dans le silence, dont la profondeur est la
punition des plus clairvoyans, & profitent tousiours
mieux à ceux qui les sçauent bien ignorer, qu’à ceux
qui s’efforcent de les mal connoistre.
 
Digni nisi
sumus adec
in quibus
experiretur
quantũ humana
natura pati potest.
Sen. de
Prou.
Il est donc tres veritable, SIRE, que cette necesté,
qui n’a point de Loix, a tousiours trouué chez
moy de l’obeïssance. I’ay tout caché par ma modestie,
i’ay tout estouffé par moy silence : Ma langueur
a presté tout le consentement qu’a pû souhaitter la
haine de mes ennemis : Le nombre de mes maux
n’en a point diminué la violence : La varieté n’a rien
osté de leur excés : Tout ce qu’il y a de doux & d’amer
au monde, de laid & de beau, est entré indifferemment
dans mon esprit, comme dans vne mer de
douleurs, sans changer ny sa couleur, ny son goust,
iusques à ces derniers temps, SIRE, que par vne
secrette necessité, autant inconnuë aux plus éclairez,
qu’inéuitable aux plus genereux (& qui me fait
penser quelquefois qu’il en est des changements des
Estats, comme des maladies populaires & siderées,
qui malgré les remedes & les soins, veulent auoir
leurs cours, & n’abattent rien de leurs periodes, ny
de leurs forces, que par la main inuincible du Souuerain.)
I’ay veu respandre mon sang & mes entrailles
par ceux mesmes, qui se deuoiẽt tous donner pour
la defense de vos Estats ; l’amour de la patrie esteint ;