[retour à un affichage normal]

Mazarinade n° C_9_52

Image de la page

Anonyme [1649], TRES-HVMBLE REMONSTRANCE DV PARLEMENT DE PROVENCE. AV ROY, SVR LE GOVVERNEMENT de Monsieur le Comte d’Alais. , françaisRéférence RIM : M0_3816. Cote locale : C_9_52.

Prouinces voisines à nous faire la guerre : Il fait piller la
Prouince par ses trouppes qui courent la campagne, & font
le degast lors qu’on ne veut pas leur donner leur subsistance.
Il menasse la ville d’Aix ouuertement de l’assieger, & la donner
au pillage. Il publie des Manifestes remplis d’opprobre
& d’iniure contre le Parlement pour esmouuoir le peuple
contre luy, & par ses Ordonnances des 17. & 20. Iuin. Il
dispose des deniers publies destinez à vostre Maiesté, veut
qu’ils soient en son pouuoir : & declare la ville d’Aix où
sont toutes les Compagnies de Iustice rebelle & criminelle
de leze-Maiesté.
 
C’est en cet endroit, SIRE, où le Parlement implore vostre
Iustice pour estre reparé de la plus sensible de toutes les
iniures, & de la plus fausse de toutes les calomnies, il proteste
auec respect & sousmission, qu’il ne despend que de
V. Maiesté, que tout ce peuple & vos Officiers sont prests de
mettre leur bien & leurs vies pour son seruice, que vostre
commandement est sa seule loy, & que c’est vne vsurpation
trop hardie sur vostre authorité, de faire des criminels, &
declarer des rebelles.
Mais Monsieur le Comte d’Alais n’a iamais pû comprendre
la difference qu’il y a entre l’image & la verité : il s’est
persuadé que la personne du Gouuerneur est la mesme que
celle du Souuerain, comme dit son Manifeste. Il s’y fait traiter
de personne sacrée : aussi on la veu dans le siege du Parlement
ouurant les Estats generaux de la Prouince, prendre
la place Royale qui n’est deuë qu’à vostre Maiesté. Il a fait
battre le tambour dans la ville d’Aix à sa Garnison, en presence
de son Semestre toutes les fois qu’il sortoit ou reuenoit
en sa maison, comme l’on fait au Palais Royal. Il a fait
rendre le mesme honneur à Madame sa femme, & à Madamoiselle
sa fille, & par cette flaterie qui excede la moderation,
& iusques à l’extremité de l’orgueil il a tellement corrompu
son esprit, que ceux qu’il veut appeller ses ennemis
il les appelle rebelles, & ce qui n’est pas mesmes vne iniure
particuliere il en fait vn crime de leze-Maiesté.