[retour à un affichage normal]

Mazarinade n° B_1_17

Image de la page

Anonyme [1652], SOMMAIRE DE L’ESTAT PRESENT DES AFFAIRES DE FRANCE, AVEC LA MARCHE DV ROY, & de l’Armée des Princes, & celle des Mazarins. , françaisRéférence RIM : M0_3682. Cote locale : B_1_17.

sont rendus criminels en le receuant contre la declaration
du Roy, & les deffences du Parlement.
On tient que le Roy ira de là à Compiegne pour
sauuer le Mazarin en Picardie, si tant est que les
Troupes de son Altesse Royale ne fasse ranger la
route à ce proscrit temeraire.
 
Graueline se deffent tousiours assés genereusemẽt,
& si le secours de Mer ne reussit plus heureusement
que celuy de terre qui a esté taillé en piece, il faudra
perdre ceste place importante & considerable, pour
conseruer vn banny qui ne vault pas le moindre des
soldats qui sont dedans.
Nous auons nouuelle de Barcelone, du, 1. & 8. de
ce mois, que les vaisseaux de Tolon sont arriuez à
bon port ; & que don Ioan d’Austriche a sommé,
ceux de la ville de se rendre, auec-menace que s’ils
n’auoient du viure pour quarante iours tout au
moins, il les feroit tous pendre, auquel ils ont fait
reponse, que dans vn an ils s’aduiseroient là dessus; a
cause de la grande quantité de Bled qui s’est trouué
chés les Bourgeois, & que les Espagnols ne sçauroient
empescher les conuois, & les rafraichissemens
qu’ils reçoiuent de temps en temps.
Dimanche dernier Monsieur le Duc de Nemours
arriua dans vn branquart à Paris par la porte
de la Tournelle, accompagné de Madame sa
femme, & de grand nombre de Caualerie qui
l’escortoit ; il est hors de danger, & se porte beaucoup
mieux de la blessure qu’il receut au combat