[retour à un affichage normal]

Mazarinade n° B_1_17

Image de la page

Anonyme [1652], SOMMAIRE DE L’ESTAT PRESENT DES AFFAIRES DE FRANCE, AVEC LA MARCHE DV ROY, & de l’Armée des Princes, & celle des Mazarins. , françaisRéférence RIM : M0_3682. Cote locale : B_1_17.

de Boulogne, dans l’apprehension où il est que
l armée Angloise qui est tres-puissante sur mer ne le
vienne attaquer.
 
Lundy dernier 22. du courant l’Assemblée generale
de l’Hostel de Ville de Paris s’acheua, & y fut resolu
contre les brigues du Mazarin. L’aduis de Monsieur
Menardeau Champré Conseiller au Parlement,
& la Harangue affectée de Monsieur le Doyen de
nostre-Dame, que deputation seroit faite à sa Maiesté,
suiuant les Arrests du Parlement, pour l’esloignement
de ce perturbateur du repos public. Vn
Appoticaire de cette ville nommé Des-naux, s’y signala
trop glorieusement pour n’auoir point de part
dans cette resolution, qui vous peut promettre les
motifs de l’aduis de ce bon esprit, & la harangue genereuse
& recherchée que Monsieur l’Aduocat du
Roy de l’hostel de Ville prononça à l’ouuerture de
cette Assemblée notable.
Lundy dernier Messieurs les Princes se trouuerent
en la Chambre des Comptes, pour luy demander
des Deputez de sa part enuers sa Maiesté ; & le lendemain
ils allerent faire la mesme demande à Messieurs
de la Cour des Aydes qui ne puront refuser
vne demande si iuste, & si generalement approuuee
de tous les bons François.
Sa Maiesté arriua le 21. du courrant à Melun, où
le Mazarin estoit entré demy-heure auparauant auec
soixante cheuaux seulement, pour y faire parestre
son insolence, & la lascheté de ces habitans qui se