[retour à un affichage normal]

Mazarinade n° A_8_37

Image de la page

Anonyme [1649], RESPONCE DE LA REINE D’ANGLETERRE Au Prince de Galles son fils. , françaisRéférence RIM : M0_3395. Cote locale : A_8_37.

vous dittes, ie suis heureuse dans mon mal-heur, l’auoir
trouué vn peuple si affectionné pour moy. Ie ne
doutay iamais de leurs bonnes intentions, l’honneur
qu’ils portent encore à l’heureuse memoire de leurs
Rois, Henry le Grand mon pere, & Louis treziesme
mon frere me donnoit cette confiance. D’ailleurs ie
sçauois bien qu’ils aimoient & respectoient passionnement
leur Roy d’auiourd’huy, nostre tres-cherneueu,
qu’ils conserueroient du respect pour sa tante,
puis qu’en quelque façon, ils y estoient obligez.
 
I’y vis en repos, & n’ay seulement qu’vn deplaisir,
de voir que pour vn meschant homme tout mon
pays soit en desordre, & qu’vn estranger mette toute
la France en dissention. Ie vous asseure que i’ay bien
besoin d’auoir l’esprit fort, & que cette fascherie,
ioincte à celle qui nous est commune, me trouble
fort, ie vois vn peuple tres-affectionné pour son
Roy, dont on le separe, ie vois freres contre freres,
Princes contre Princes, & toutes personnes qui me
touchent de prés : ie voudrois bien pouuoir y mettre
quelque bon ordre, mais comme ie vois que les
esprits sont trop aigris, & que ie ne serois pas creuë,
ie remets le tout entre les mains de celuy qui donne
la paix quand il luy plaist, qui appaise les dissentions,
& qui pacifie les querelles, comme ie vous ay des-ja
dit, ie veux croire qu’il fera toutes choses pour le
mieux, & i’espere aussi qu’il vous remettra bien-tost
dans les Estats qui vous appartiennent si legitimement,