[retour à un affichage normal]

Mazarinade n° B_20_24

Image de la page

Anonyme [1651], RESOLVTION POLITIQVE Des deux principaux doutes qui occupent les Esprits du temps ; Sçauoir est, Et pourquoy est-ce qu’il s’opiniastre à leur detention, en veuë des desordres qui troublent l’Estat, pour procurer leur eslargissement. Dediée A ceux qui voudront voir vne Apologie sans passion, vne inuectiue sans aigreur, & vn raisonnement sans obscurité. , françaisRéférence RIM : M0_3515. Cote locale : B_20_24.

que ce descrié, ce traistre, ce vilain a fait emprisonner
ce Redoutable, ce Conquerant, cet illustre, sans
que ce dernier s’efforce en aucune façon, apres son
eslargissement, d’en faire aussi hautement éclatter la
vengeance, que l’afront en a retenty : si quelqu’vn
croit que cela se puisse, ie luy promets qu’il ne sera
iamais damné.
 
Cependant ie continuë pour faire voir que l’importance
d’estre appuyé de Monseigneur le Prince,
estoit necessaire pour la conseruation de Mazarin ; &
que l’indifference que Monseigneur le Prince auoit à
le soustenir, estoit si parfaite, qu’il n’y estoit obligé
par acune consideration, que par celle de sa propre
generosité : qu’eust fait le pauure Mazarin, si Monseigneur
le Prince se fust voulu ietter dans le party
des Parisiens, & s’il eust acepté la Regence qu’on luy
offroit : par les Messieurs ses partisans, ie vous asseure
que ie ne vous contrediray pas, parce que ie croy
que vous ne serez pas assez effrontez pour nier que
la perte de vostre maistre n’ait esté à la liberté de Monseigneur
le Prince : mais quels estoient les motifs que
Monseigneur le Prince auoit pour soustenir Mazarin,
est-ce qu’il consideroit ses alliances ; il n’en a iamais
pû trouuer, mesme auec des simples Gentils-hommes :
est-ce qu’il redoutoit sa puissance ? il ne subsistoit
que par sa faueur : est-ce qu’il pretendoit se faire
aymer en le protegeant ? il ne voyoit que trop qu’il
s’alloit decrediter dans l’idée des François : est-ce
qu’il respectoit quelque grand qui fust interessé à
son party ? tout le monde l’auoit presque generalement