[retour à un affichage normal]

Mazarinade n° C_9_67

Image de la page

Anonyme [1649], REQVESTE DV DVC DE VENDOSME AV PARLEMENT DE PARIS. Auec les Memoires & Pieces qui en dependent. , françaisRéférence RIM : M0_3496. Cote locale : C_9_67.

temps ses protestations escrites & signées de sa main, confirmées
par la Dame Duchesse de Vendosme, & recogneus
pardeuant Notaires au Chastelet de Paris, qui sont pieces
qui iustifient assez les violences dudit Cardinal, & leuent
non seulement tous les pretextes qu’on pourroit induire
par lesdites declarations & abolitions, mais encor marquent
l’integrité & la netteté des actions dudit seigneur Duc, puisqu’on
ne peut luy imposer aucune chose qui doiue estre imputée
à crime ; & mesmes si l’enterinement de cette abolition
a receu quelque difficulté au Parlement, ce fut par le
scrupule que la pluspart de Messieurs firent de ne voir en
tout l’exposé de la declaration & des Lettres aucun faict qui
pust meriter abolition. Aussi le feu Roy LOVIS XIII. dans
le temps que son esprit se trouua libre & espuré des fausses
impressions dudit Cardinal, donna cette satisfaction à tous
les desplaisirs dudit sieur Duc, apres l’auoir r’appellé, que de
se condouloir de ses mal-heurs passez & de luy en promettre
fauorable iustice à l’aduenir ; c’est ce que la Reyne Mere
Regente aujourd’huy auoit voulu commencer par le traicté
fait le neufiéme Aoust 1643. entre le sieur Comte de Brienne
fondé du pouuoir special de leurs Majestés d’vne part, &
ledit sieur Duc d’autre, par lequel leurs Majestez ont traicté
auec ledit sieur Duc de la recompence de son dit Gouuernement
par la charge de Grand Maistre des Mers, &
stipulent qu’au moyen des prouisions de ladite charge il
donnera la demission de son Gouuernement en faueur de
la Reyne, & que Sa Majesté en ioüira tout ainsi que
ledit sieur Duc & auparauant luy ledit sieur Duc de Mercœur
en ont ioüy où eu droit de iouir ; ce qui marque
le droit qu’a ledit sieur Duc, & est vne reconnoissance