Mazarinade n° B_8_16
Image de la page
Anonyme [1652], REQVESTE DE LA IVSTICE, AV PARLEMENT. CONTRE VN DE SES Principaux Ministres, ses Adherans, & Complices, Papetiers & Torche-cul du Mazarin. Auec les noms des principaux Mazarins qui y ont assisté. , françaisRéférence RIM : M0_3471. Cote locale : B_8_16.
Et de l’affront qu’il en a eu,
Car du depuis on ne l’a veu,
Pourquoy qu’il y ait eu d’affaires,
Publiques ou particulieres,
Du Palais il s’est abstenu,
Il n’y est plus du tout venu ;
Mais pendant qu’il rongeoit son morre,
Il a fait autre chose esclore,
Il a corrompu les esprits,
Du menu peuple de Paris,
Et le vingt quatre de Septembre
Creut auoir la vertu de l’ambre,
La paille il void à tous porter,
Il veut l’attirer & l’oster.
Pour y paruenir. il s’acoste,
De quelques Maquignons de poste.
De simples gens de bois & d’eau,
De ces crieurs de vieux chapeau,
De simples Marchands d’esguillettes,
De rogatons & de Gazettes,
De ces pauures gaigne petit,
De gens sans adueu, sans credit,
Gens qui ne cherchent que le trouble,
Qui bien souuent n’ont pas le double,
Gens de corde, gens inconnus,
Gens sans mine & presque tous nuds,
Qui n’ont pas vn poulce de terre,
Et trouuent la Paix dans la Guerre,
Luy qui n’a iamais fait d’Amy,
Mazarin en Diable & demy,
Vn Parfumeur nommé le Maire,
Vn violon d’Apoticaire,
Caboud, baladin sans pareil,
Aduocat priué de conseil,
Deux Artisans du Pont de Geures,
Morien, & l’Escot Orfevres,
Ce chicannier de Menestrel,
Michel, Tassin & paparel,
Beaur ains Docteur en Medecine
Qui n’a n’y sçience n’y mine,
Image de la page