Mazarinade n° B_8_16
Image de la page
Anonyme [1652], REQVESTE DE LA IVSTICE, AV PARLEMENT. CONTRE VN DE SES Principaux Ministres, ses Adherans, & Complices, Papetiers & Torche-cul du Mazarin. Auec les noms des principaux Mazarins qui y ont assisté. , françaisRéférence RIM : M0_3471. Cote locale : B_8_16.
Suiuant l’escriture en ce point,
Qui comme on sçait, ne nomme point,
Ce mauuais riche qu’elle improuue,
Et que sous nul nom on y trouue.
Cét homme ainsi tout transporté,
D’vne chaise de verité
(Bien loing toutesfois qu’il y songe,)
Il en fait vne de mensonge,
Homme qui n’est point Orateur,
Encores moins predicateur ?
Homme de la plus riche taille,
Et qui craint que terre luy faille ?
Homme qu’on ne peut trop haïr,
Apres auoir voulu trahir,
Ses Concitoyens, sa patrie,
Son deuoir & sa compagnie ?
Esprit lasche & dans le traffic,
D’vn infame larcin public ?
Corps caduc & sexagenaire,
Qui loge vne ame mercenaire,
Quoy que son bien comme i’entends,
Luy produise bien tous les ans,
Trente, ou quarente mil liures,
Qui l’occupent plus que ses liures.
Et quelques promesses de Cour,
Luy feront faire vn lasche tour ?
Le corrompront luy feront faire,
Vne émotion populaire ?
Il adhere aux conseils meschans,
De mettre cette Ville aux champs,
Mais elle perdra sa colere,
Quand vn chastiment exemplaire,
Aura sçeu, venger l’action,
D’vne telle sedition.
Enquoy, la iustice oppressée,
Est bien la plus interressèe,
Car ce qu’il y a de plus saint,
L’on le viole, & l’on l’enfreint.
Cette fille du Ciel on tuë,
Si la Guerre l’on perpetuë.
Image de la page