[retour à un affichage normal]

Mazarinade n° A_8_31

Image de la page

Anonyme [1649], REMONSTRANCE A LA REINE SVR LES ABVS DES INTENDANS DE IVSTICE, ET DE LA CRVAVTÉ De l’Exaction DES DENIERS ROYAVX à Main armée. , françaisRéférence RIM : M0_3291. Cote locale : A_8_31.

fait accourir tous les iours à la porte du Palais de vostre
Maiesté des Princes & des principaux Magistrats pour demander
leur soulagement avec l’importunité & la hardiesse
de gens qui ne craignent rien, parce qu’ils n’ont
rien à perdre, font voir assés clairement que le mal s’est
glissé bien avant dans cette grande Ville aussi bien qu’aillieurs ;
& qu’il n’y a plus personne qui ne se ressente de
ces calamitez, que ce peu de gens les causent, & qui en
profitent.
 
Ce n’est pas vn ieu, MADAME, c’est vne Gangréne
inévitable, qui consommera en peu de temps ce pauvre
Royaume, si vostre Maiesté n’en arreste promptement
le cours.
Ne souffrez pas, MADAME, que sous vne Regence,
qui a tant eu de bénedictions du Ciel & de la terre,
& que si nos vœux sont exaucez en aura tous les iours
de nouvelles ; La France voye ces cruels spectacles, &
souffre ces nouveautez plaines d’erreur auec vn peril évident
de sa ruine totale : Et ne trouvez pas mauvais, s’il
vous plaist, que nous ayons fait connoistre à vostre Majesté
les pernitieux effets de nostre jurisdiction anéantie,
nostre conscience nous oblige à vous rendre compte d’vn
mal, qui ne peut recevoir de remede que de l’authorité
Souveraine, & de la main puissante de vostre Maiesté, &
c’est pour luy demander ce remede si nécessaire que nous
luy avons porté nos tres humbles supplications, qui sont
celles de son pauvre peuple avec tout le respect & soubmission
que nous luy devons en qualité de ses tres-humbles,
&c.