[retour à un affichage normal]

Mazarinade n° B_6_28

Image de la page

Anonyme [1651], REMERCIMENT FAIT AV ROY PAR MADAME LA PRINCESSE, SVR LA DELIVRANCE DE MESSIEVRS les Princes. , françaisRéférence RIM : M0_3284. Cote locale : B_6_28.

l’ont doüé de toutes les graces qu’on sçauroit desirer
en la personne d’vn Prince, son esprit est subtil,
penetrant & fort vniuersel. Son courage inuincible,
son parler concis & sententieux, & sa dexterité imcõparable.
On void bien qu’il a l’œil vigilant, le visage
benin, & la constance fort belle. Ceux qui ont l’honneur
de l’approcher voyãt son naturel & son humeur,
sont contraints d’auoüer qu’il est l’vnique en son espece.
Toutes ces excellentes qualitez qui paroissent
éminemment en sa personne me donneront, s’il
vous plaist, SIRE, la liberté de vous dire en sa
faueur, ce que peut-estre homme du monde ne vous
oseroit dire, tant la Maiesté des Roys est enuironnée
de flateurs & d’hypocrites, contre la volonté de Solon :
Car il dit qu’il ne faut point approcher des grãds
que pour leur dire la verité des choses : mais il la leur
faut dire auec paroles de soye, ainsi que Parisatis mere
de Cyrus nous l’enseigne.
 
Il faut grand Roy, que vous teniez tousiours ce
Prince pres de vostre personne, afin qu’il ne s’esloigne
de vous non plus que l’ombre de son corps, que
les rayons du Soleil de leur Astre, que le ruisseau
de sa source, que la tige de son arbre, que le corps de
son ame, ni que l’homme de celuy qui luy a donné
l’estre. Les Planetes ne sortent iamais de leur Zodiaques,
ou si par vn mouuement desreglé il arriue qu’elles
en sortent, tout l’Vniuers en est troublé, & tout
le monde sublunaire se trouue dãs vne confusion tres-horrible.
Les Princes du Sang sont les vrayes planetes
du Ciel où vostre Maiesté reside, leur lumiere
ne se tire que de la presence de leur Souuerain,
qui est le veritable Soleil de ces Planettes raisonnables,
plus ils en approchent & plus ils sont radieux
au reste des hommes, plus ils vous aggreeront,
& plus ils en seront considerables. Simbolisant auec