[retour à un affichage normal]

Mazarinade n° B_20_43

Image de la page

Anonyme [1652], REMEDE AVX MAL-HEVRS DE L’ESTAT AV SVIET DE LA QVESTION. SI LA VOIX DV PEVPLE est la voix de Dieu. , françaisRéférence RIM : M0_3270. Cote locale : B_20_43.

des estrangers, particulierement Italiens, qui
nous trompent, & corrompent plus que toutes les
autres nations du monde Il n’y a ruse qu’ils ne trouuent
pour s’enrichir en France, par leurs doux & ciuils
appas, & soubs des belles esperãces qu’ils nous
donnent, mais qui ne reüssissent qu’à leur profit. Il
faut estre asseuré d hommes qui ayent les mœurs &
humeurs Françoises pour faire agréer leur conseil &
ministere, & pour contenir les peuples à l’honneur
qu’ils doiuent à leur Roy. Autrement on se persuade
aisement que le Roy qui se sert d’vn estranger, aime
l’estranger plus que le naturel subject, & en conçoit
mespris par iuste ialousie, & que le Roy mesme
le deuient par le conseil de l’estranger.
 
Charles Duc de Lorraine frere de Lothaire, fils de
Louis d’Outremer, duquel i’ay desia parlé, perdit
les droicts qu’il auoit à la Couronne de France, à cause
qu’il auoit degeneré à l’humeur d’vn Prince François,
pour se gouuerner comme vn estranger Allemand,
exerçant toute rigueur, non seulement contre
les Marchands François, mais contre ses subiects
mesmes, qu’il traittoit tyranniquement. Hugues
Capet Maire du Palais en France, tout autrement,
il estoit Prince, qui auoit gouuerné tres sagement
les affaires du Royaume, auec douceur & prudence,
telle qu’il contentoit les petits & les grands. Il auoit
& sçauoit l’humeur & les coustumes des Francois,
il estoit sage & magnanime, cause pourquoy les
Estats Generaux de France ne pouuoient mieux pose
la couronne de l’Estat, que sur la teste de celuy