[retour à un affichage normal]

Mazarinade n° A_8_18

Image de la page

Anonyme [1649], RELATION VERITABLE, DE CE QVI S’EST PASSÉ en la deffaite des trouppes de Prouence. Par le Regiment de Caualerie de S. André Monbrun, commandé par le Sieur de Ville-franche, Mareschal de Camp. , françaisRéférence RIM : M0_3227. Cote locale : A_8_18.

trouppes grossissoient à tout moment. Ledit sieur de
Ville-Franche s’en est allé les attaquer auant que le reste
fut rangé en bataille, & à cét effet il commande l’escadron
de son aisle droite, à la teste duquel il s’est mis auec
les sieurs Baron des Adres, de Rochemont, & de S. Fonds,
& a ordonné aux deux autres escadrons commandez
par les sieurs de la Serre, S. Alpolinere, Fort, & de Ieafroy
Officiers de charger l’Infanterie ; & comme le sieur de
Ville-Franche n’a pas voulu frapper en vain, il a essuyé à
la portée du pistolet vne descharge de mousquetons que
tous les ennemis portoient, & s’estant meslé le pistolet
& l’espée à la main si viuement, qu’apres quelque resistance
des Rebelles, ils ont esté obligez ayant perdu le
meilleur d’entr’eux de prendre la fuite, & gagner la coline,
d’où ils estoient venus ; les deux autres escadrons ont
donné dans l’Infanterie, auec tant de vigueur, qu’ayant
d’abord tué le sieur de Cabanes qui le commandoit, elle
a pris la fuitte, & a pareillement esté poursuiuie comme
leur Caualerie au milieu de la coline, la difficulté du chemin
n’ayant pas permis de les pousser plus auant, le sieur
Comte de Carces estant au haut de ladite coline auec
d’autres troupes, qui assisté du President Daupede, auec
l’Aduocat General Cormis, & autres Chefs de ses troupes,
auec la deffaite de celles qui estoient desia descenduës,
dont il en est demeuré deux cens seize sur la place ;
du costé des Rebelles, & parmy les morts, on y a trouué
vne vingtaine de Caualiers fort lestement vestus, dont
on ne sçait pas encore le nom ; on croit que le sieur
Estienne Vaillac & vn sien Frere, le sieur du Chesne, &
vn des Procureurs du Païs y sont restez, on y a fait aussi