[retour à un affichage normal]

Mazarinade n° B_15_45

Image de la page

Anonyme [1652], RELATION VERITABLE DE CE QVI S’EST PASSÉ A PONTOISE En la Reception des six Corps des Marchands. Ensemble leurs Harangues, & ce qui leur a esté respondu par le Roy & la Reyne. , françaisRéférence RIM : M0_3218. Cote locale : B_15_45.

Capitaines & Officiers du Regiment des Gardes
qui venoient d’arriuer de Dunquerque où ils
estoient en garnison lors de sa prise & rendoient
compte à sa Majesté de ce qui s’y estoit passé.
 
Le Roy voyant arriuer cette quantité de Carrosses
remplis de Bourgeois escortés d’enuiron
cent cinquante Caualliers, demanda ce que c’estoit,
à quoy fut respondu que c’estoient les Deputez
des Bourgeois de sa bonne Ville de Paris
qui le venoient supplier d’y retourner. Aussi tost
il partit du lieu où il estoit & alla dans vn Iardin du
Chasteau où apres auoir demeuré vne grosse demie
heure il en sortit & monta en sa Chambre.
La Reyne estoit pour lors à Vespres aux Carmelites
d’où estant reuenuë au Chasteau, en descendant
de son Carrosse d’vn visage riant, dit à
Monsieur le Comte d’Orval son Escuyer, Hé
bien Monsieur le Comte ! Messieurs de Paris sont
ils arriuez, & ainsi montant en son appartement
elle demanda où estoit le Roy, qui parut aussi
tost & retourna à la promenade dans le mesme
Iardin d’où il estoit sorty peu au parauant : sur les
six heures du soir le Roy tint Conseil où fut resolut
que le lendemain Lundy Audience seroit
donnée sur le midy à ces Messieurs les Deputez
qui en attendant se logerent où ils peurent.