[retour à un affichage normal]

Mazarinade n° A_8_70

Image de la page

Anonyme [1649], RELATION GENERALE ET VERITABLE DE TOVT CE QVI C’EST fait au Procez du Roy de la Grand’Bretagne. SON ARREST, ET LA MANIERE de son Execution. Auec la Harangue faite par Sadite Majesté sur l’Eschaffaut. TRADVIT D’ANGLOIS EN FRANCOIS, par I. Ango Interprete de ladite langue, sur l’imprimé à Londres, par François Coles. , français, latinRéférence RIM : M0_3174. Cote locale : A_8_70.

aidé de l’Euesque & de l’executeur. Puis le Roi se tournant derechef
vers le sieur Iuxson dit ma cause est iuste, & mon Dieu est
bon.
 
LE SIEVR IVXSON. Il n’y a plus qu’vn pas, mais ce pas est
fascheux, il est fort court, & pouuez considerer qu’il vous portera
bien loing promptement, il vous transportera de la terre au Ciel,
& là vous trouuerez beaucoup de ioye & de reconfort.
Le Roy. Ie vay d’vne Couronne corruptible à vne incorruptible, où il ne
peut pas y auoir de trouble, non aucun trouble du monde.
Iuxson. Vous changez vne Couronne temporelle à vne Eternelle, vn fort
bon change.
Le Roy. Dit à l’executeur mes cheueux sont ils bien ? Le Roy osta son manteau
& donna son cordon bleu, qui est l’ordre de sainct Georges, audit sieur
Iuxson, disans souuenez-vous … puis le Roy osta son pourpoint, &
estant en chemisette, remit son manteau sur ses espaules, puis regardant le
chouquet, dit à l’executeur, il vous le faut bien attacher.
L’õ croit
qu’il le
doit dõner
au
Prince
de Galles
L’executeur, Il est bien attaché.
Le Roy. On le pouuoit faire vn peu plus haut.
L’executeur, Il ne sçauroit estre plus haut Sire.
Le Roy. Quand i’estendray les bras ainsi alors … apres quoy ayant
dit deux ou trois paroles tout bas, debout, les mains & les yeux leuez en
haut, s’agenoüilla incontinent, mit son col sur le chouquet, & lors l’executeur
remettant encores ses cheueux sous son bonnet, le Roy dit (pensan
qu’il l’allast frapper) attendez le signe.
L’executeur, Ie le feray s’il plaist à vostre Maiesté.
Et vne petite pause apres, le Roy estendit les bras. L’executeur separa la
teste de son corps d’vn seul coup, & quand la teste du Roy fut tranchée, l’executeur
la prist en sa main & la monstra aux spectateurs, & son corps fut
mis en vn coffre couuert pour ce subiet de velours noir. Le corps du Roy est
à present en sa Chambre à Vvitthalle.
Sic transit gloria mundi.