Mazarinade n° A_8_70
Image de la page
Anonyme [1649], RELATION GENERALE ET VERITABLE DE TOVT CE QVI C’EST fait au Procez du Roy de la Grand’Bretagne. SON ARREST, ET LA MANIERE
de son Execution. Auec la Harangue faite par Sadite Majesté sur l’Eschaffaut. TRADVIT D’ANGLOIS EN FRANCOIS, par I. Ango Interprete de ladite langue, sur l’imprimé à Londres, par François Coles. , français, latinRéférence RIM : M0_3174. Cote locale : A_8_70.
HARANGVE.
I’ay sort peu de chose à dire, c’est pourquoy ie m’adresse à vous,
& vous diray que ie me tairois fort volontiers, si ie ne craignois
que mon silence ne donnast subiet à quelques vns de croire que ie
subis la faute, comme ie fais le supplice : Mais ie croy que pour m’acquitter
enuers Dieu & mon païs, ie dois me iustifier comme bon
Chrestien & bon Roy, & finalement comme homme de bien.
Ie commenceray premierement par mon innocence, & en verité,
ie croy qu’il ne m’est pas necessaire de vous entretenir longtemps
sur ce subiet. Tout le monde sçait que ie n’ay iamais commencé
la guerre auec les deux Chambres du Parlement, & i’appelle
Dieu à tesmoin (auquel ie dois bien tost rendre compte) que ie
n’ay iamais eu intention d’vsurper sur leurs priuileges, au contraire
ils commencerent eux-mesmes en se saisissant des Arsenaux, ils
confessent qu’ils m’appartiennent : mais ils iugerent qu’il leur estoit
necessaire de me les oster, & pour le faire court, si quelqu’vn veut
regarder les dattes des Commissiõs de leurs Deputez & des miens,
comme des Declarations, il verra éuidemment qu’ils ont commencé
ces malheureux desordres, & non pas moy. De sorte que i’espere
que Dieu vengera mon innocence. Non ie ne le veux pas ! i’ay de
la charité, à Dieu ne plaise que i’en impute la faute aux deux Chambres
du Parlement, il n’est pas besoin n’y de l’vn n’y de l’autre, i’espere
qu’ils sont exempts de ce crime, car ie croy que les mauuais
Ministres d’entr’eux & moy, ont esté les causes principales de tout
ce sang respandu. Tellement que par maniere de parler, comme ie
m’en trouue exempt, i’espere (& prie Dieu qu’ainsi soit) qu’ils le
sont aussi. Neantmoins à Dieu ne plaise que ie sois si mauuais Chrestien,
que ie ne confesse que les iugemens de Dieu sont iustes contre
moy : car souuentefois il punit iustement par vne iniuste sentence,
cela se void ordinairement. Ie diray seulement qu’vn iniuste
Arrest que i’ay souffert estre executé, est puny à present par vn
autre iniuste donné contre moy-mesme. Ce que i’ay dit iusques icy
est pour vous faire voir mon innocence.
L’Arrest
de mort
du Cõte
d’Estrafforc.
Maintenant pour vous faire voir que ie suis bon Chrestien, voila
vn honneste homme (monstrant au doigt le sieur Iuxson) lequel
portera tesmoignage que i’ay par donné à tout le monde, & en particulier
à ceux qui sont autheurs de ma mort, quels ils sont Dieu le
sçait, ie prie Dieu de leur pardonner : Mais ce n’est pas tout, il faut
bien que ma charité passe plus auant, ie souhaitte qu’ils se repentent,
Image de la page