[retour à un affichage normal]

Mazarinade n° C_11_22

Image de la page

Anonyme [1651], RECIT VERITABLE DE CE QVI C’EST PASSÉ AV PARLEMENT TOVCHANT LA DECLARATION de mil six cens quinze. , françaisRéférence RIM : M0_3008. Cote locale : C_11_22.

de memoire perpetuelle : Conseillons en tant
que nous pouuons, Dieu nous aydant à ceux qui
doiuent l’obeïssance au Roy auec admonition de
luy rendre la Foy qui luy est duë, & persister en
icelle, & s’il y a quelques vns qui dient qu’il tient
l’Estat en sa main, & de ces specieux dont on
veüille faire plainte que le Royaume n’est pas
bien manié, s’il y a suiet de telles doleances attendons-là,
de la grace Diuine, que si elle fait retourner
le Roy, nostre Seigneur, auec prosperité,
il paracheuera ce bon œuure qu’il a bien commencé,
& ainsi que Dieu change les hommes, il
apportera vne mutation, laquelle sera appellée le
changement de la dextre du tres-haut ; ce qui se
peut maintenant esperer de la faueur du Ciel fortiffiant
la main du Roy, & auec humilité & reuerance
s’adressant à luy par supplication reconnoissant
son authorité, pour laquelle ceux qui sont
ses gens doiuent apporter tout le soing, & la diligence
requise pour son honneur, authorité & vtilité
de son Royaume, & obeïssance à son commendement
requerant la verification non en parolles
entieres, mais en cœurs affligez & pleins de
douleurs, qui fait partir de leurs esprits des paroles
pleines d’amertume, suppliant la Cour d’apporter
ce qu’elle doit, & monstrer la sincerité de
son affection, ainsi qu’elle a tousiours témoigné
au Roy & à son Estat. Les gens du Roy retirez ;
toutes les Chambres assemblées ; les lettres closes