[retour à un affichage normal]

Mazarinade n° C_11_22

Image de la page

Anonyme [1651], RECIT VERITABLE DE CE QVI C’EST PASSÉ AV PARLEMENT TOVCHANT LA DECLARATION de mil six cens quinze. , françaisRéférence RIM : M0_3008. Cote locale : C_11_22.

estans representées au Roy) disoiẽt-ils, changeroit,
peut estre de Conseil, & partant que sa presence
y estoit necessaire.) Autres murmuroit de ce qu’il
y en auoit des principaux de ladite Cour, qui
estoient si proches à quelquesvns designez par
Monseigneur le Prince, & contre lesquels il dit
auoir pris les armes, qu’ils estoient en cette matiere
iuges de leur propre interest & deuroient
s’en abstenir.
 
Mais enfin apres grandes altercations les deux
aduis furent reduits à des plus grands en nombre,
ouuerts par deux Presidents de diuerses Chambres
des Enquestes : L’vn fut de soixante & treize
voix, & l’autre de soixante & dix-huict, faisant en
tout le nombre de cent cinquante & vn iuges.
L’auis des soixãte & treize fut, de registrer les lettres
desquels la personne de Monsieur le Prince seroit exceptée,
l’execution d’icelles sursise pour son regard d’vn
mois, dans lequel ledit sieur Prince seroit admonesté se ranger
vers le Roy pour le seruir, enioint aux autres Princes
& Seigneurs de son party mettre presentement les armes
bas, deffences à toutes personnes de porter & leuer armes
sans Commission de sa Maiesté.
L’auis de soixante dix huict auquel demeura la
Cour fut, de ne point toucher aux lettres, & d’enuoyer escrites
au Roy les raisons pour lesquelles la Cour n’a peu ny deu
registrer icelles : Ces mots, ny deu, furent arrestez,
& neantmoins ils n’ont esté veus aux Arrests.
Le Vendredy 18. dudit mois de Septembre, les