[retour à un affichage normal]

Mazarinade n° C_11_22

Image de la page

Anonyme [1651], RECIT VERITABLE DE CE QVI C’EST PASSÉ AV PARLEMENT TOVCHANT LA DECLARATION de mil six cens quinze. , françaisRéférence RIM : M0_3008. Cote locale : C_11_22.

dépuis le Mardy iusques au Vendredy
inclus.
 
Il y eut plusieurs aduis, les vns s’attaschants
aux formes, disoient que l’addresse des lettres
estoit mal faite en ce qu’elle estoit aussi aux autres
Parlemens, & qu’à celuy de Paris priuatiuement
à tous autres, appartient de iuger Messieurs
les Princes du sang Royal, estant la Cour du Roy,
& des Pairs de France ; autres disoient, que les
Pairs de France ne peuuent estre iugez, sinon les
autres Pairs y assistants où deuëment appellez,
comme depuis peu auoit esté pratiqué au procez
contre le Mareschal de Biron ; Autres disoient
que la Cour ne pouuoit proceder contre Monseigneur
le Prince de Condé, que le Roy n’y fut present,
parce que ledit Seigneur Prince estoit du
sang Royal, & le premier d’iceluy, comme il a esté
de tout temps pratiqué aux iugements des Princes
du Sang, estant la presence du Roy necessaire,
quand il y va de son sang, d’autant qu’on luy
peut representer des raisons qui le peuuent demouuoir
de plusieurs impressions de sinistre
Conseil, ou d’affection precipitée, desquelles
choses l’esprit des Roys est souuent preoccupé ;
bref qu’il n’appartient qu’au Roy assisté des
Princes & Pairs en sadite Cour de Parlement d’estre
iuge de son sang. Partant que la Cour ne
pouuoit seule opiner sur telles lettres. Et à l’obiection
que le Roy estoit bien esloigné lors de son