[retour à un affichage normal]

Mazarinade n° B_10_2

Image de la page

Anonyme [1651 [?]], RECIT SOMMAIRE DE CE qui s’est passé au Parlement, sur le sujet de la retraitte de Monsieur le Prince à Sainct Maur, dans la derniere deliberation. , françaisRéférence RIM : M0_2998. Cote locale : B_10_2.

le Prince estant celle du public, comme la seureté
du public estoit celle de Monsieur le Prince, il s’estendit
ensuite sur les precautions que l’on deuoit apporter
contre le retour du Cardinal, pour lequel il
ne falloit point douter que ses Creatures ne trauaillassent
incessament, qu’il n’y auoit point de cabale,
qu’ils n’eussent forme dans ce dessein, soit dedans soit
dehors le Royaume, que l’entreprise de Brissac auoit
esté forte dans cette veüe, que la negotiation de
Sedan n’auoit point eu d’autre fin ; Ie ne puis obmettre
ce qui auoit esté remarqué peû de iours auparauant
dans la compagnie que des Lettres Patentes
pour remettre Sedan en souueraineté separée du
Royaume estoit entre les mains des gens du Roy, ce
qui est vne preuue certaine que l’on medite d’en faire
vne retraite à ce ministre ; Son A. R. exaggera
fort les diuers voyages faits à Cologne, & particulierement
celuy de Monsieur de Mercœur comme
vne conuiction de son mariage, dans lequel il n’y
auoit point d’aparence qu’vne personne de cette
condition eut voulu s’engager sans estre asseuré du
retour de ce Cardinal & de son restablissement dans
les affaires qu’il y auoit lettres du sieur de Vitermon
au Lieutenant Colonel du Regiment des Gardes,
comme il estoit attendu à Dunquerque pour sçauoir
de quelle maniere on luy receuroit & qu’ainsi
il n’y auoit point lieu de d’outer que ce retour n’occupât
toutes les pensées de ses creatures ce qui ioint
à toutes les autres considerations dont S. A. R.
Monsieur le Prince de Conty & Monsieur le Prince
par ses lettres s’estoient asses expliqué estoit vn juste