Mazarinade n° C_12_48
Image de la page
Anonyme [1652], PROCEZ DES VERITABLES HABITANS DE LA VILLE D’ANGERS CONTRE L’EVESQVE, AVEC LES PIECES IVSTIFICATIUES de leur differend. LETTRE PASTORALE DE MONSEIGNEVR L’EVESQVE D’ANGERS. AVEC LA RESPONSE DES Habitans d’Angers à ladite Lettre Pastorale de mondit Seigneur l’Euesque. ET LA PLAINTE DE LA RESPONSE A LA Lettre Pastorale de l’Euesque d’Angers, bruslée par les Mazarins de la ville d’Angers. Aux Habitans de ladite Ville , françaisRéférence RIM : M0_2886. Cote locale : C_12_48.
toutes les perquisitions possibles pour en découurir les Autheurs, les deferer en Iustice,
& administrer à Monsieur le Procureur du Roy toutes les preuues qu’ils pourront
auoir. Et afin que le present desadueu soit notoire à tout le monde. A esté arresté, que
la presente conclusion sera imprimée, pour estre publiée, & enuoyée par tout où besoin
sera. Sont signez en la minute, MENAGE, Maire. Godin & Dauy, Escheuins. Eueillard
Doyen des Conseillers de Ville. Camus sous-Doyen. LE POICTEVIN.
ATOVS ceux qui ces presentes Lettres verront, les gens tenans le Siege Presidial
d’Anjou à Angers, Salut. Sçauoir faisons, Que veu le procez verbal fait en la
Chambre du Conseil le dixiesme iour de ce mois, contenant, que sur l’aduis à Nous
donné par le Procureur du Roy, qu’vn certain Libelle diffamatoire intitulé, La Respon
se des Habitans d’Angers, à la Lettre Pastorale de Monseigneur l’Euesque de cette
Ville, estoit entre les mains de Maistres Michel Bruneau & Claude Martineau, anciens
Aduocats à ce Siege, ils auroient esté mandez en ladite Chambre, & fait leur declaratiõ,
sur laquelle aurions ordonné, qu’ils representeroient lesdits Libelles à vne heure de releuée,
pardeuant le sieur Lieutenant Criminel à ce Siege : & cependant, qu’à la Requeste
du Procureur du Roy, il en seroit par luy informé. Procez verbal par nous fait
sur l’entrée des Maire & Escheuins de cette dite Ville en la Chambre du Conseil de ce
Siege, ledit iour dixiesme Auril au sujet dudit Libelle, duquel ils auroient fait desa dueu,
dont leur aurions decerné acte, & ordonné, qu’ils en prendroient communication.
Procez verbal fait par ledit sieur Lieutenant Criminel contenant son transport au Palais
Episcopal de cette Ville, en presence du Procureur du Roy & de nostre Greffier,
ausquels ledit sieur Euesque auroit representé vn Imprimé en deux fueilles de papier intitulé,
Lettre Pastorale de Monseigneur l’Euesque d’Angers, auec la Response des Habitans
d’Angers à ladite Lettre, & l’enuelope de son pacquet, dont il luy auroit decerné acte.
Audition de tesmoins faite par ledit sieur Lieutenant Criminel à la requeste dudit Procureur
du Roy, les dixiesme & vnziesme de ce mois. Procez verbaux par luy faits lesdits
iours de la representation d’autres imprimez par lesdits Bruneau, Martineau, maistres
Laurent Gault l’aisné, & Marc Iarry aussi Aduocats, auec les enuelopes des Imprimez
desdits Bruncau & Gault. Conclusion donnée en l’Hostel & Maison commune de cette
Ville, ledit iour vnziesme par les Maire, Escheuins & Conseillers dudit Hostel, deputez
de l’Vniuersité, de la Preuesté, Eslection, Grenier à sel, Corps des Marchands, & communauté
des Aduocats, contenant le desadueu de la Response à la dite Lettre Pastoralle
& leur declaration qu’ils reconnoissent ladite piece fausse, calomnieuse, tendante à sedition,
preiudiciable à l’autorité Royale, & tranquillité publique : Conclusions du
Procureur du Roy, & ce que fait a esté, tout consideré :
Par nostre Sentence & Iugement Presidial, & en dernier ressort, Ordonnons qu’il
sera in cessamment informé à la requeste du Procureur du Roy contre ledit Imprimé,
intitulé, La Response des Habitans d’Angers à la Lettre Pastorale de Monseigneur l’Euesque
d’Angers. Et à cette fin, luy permettons d’obtenir, faire publier, & fulminer monitoire :
& cependant, Auons declaré & declarons ledit Imprimé faux, calomnieux, tendant
à sedition, & preiudiciable à l’authorité du Roy & tranquilité publique, & comme
tel, les exemplaires en seront lacerez & bruslez par l’executeur des Sentences criminelles
aux portes des Palais Royal & Episcopal ; & au Carroy du puits nostre Dame, proche
la Trinité de cette Ville, à la reserue de deux exemplaires qui demeureront au Greffe
Criminel de ce Siege pour l’instruction du procez, auec defences qu’auons faites & faisons
Image de la page