[retour à un affichage normal]

Mazarinade n° A_6_82

Image de la page

Anonyme [1649 [?]], PIECE D’ESTAT OV LES SENTIMENS DES SAGES. , françaisRéférence RIM : M0_2758. Cote locale : A_6_82.

de la cognoissance qu’il eust des vices de ceux
qu’il accuse, que sa passion est la seule source de ses
Satyres, & que les crimes qu’il figure par ses outrageantes
narrations, soit qu’ils soient faux ou veritables
n’ont de fondement que sur quelques bruits,
ny de certitude que dans sa Rhetorique, non plus
que quelques histoires sanglantes dont il orne son
discours, que dans des nouuelles de femmes, & des
escrits iniurieux ; & qu’en fin il n’y a que la seule histoire
qui y ait vn principe solide & de creance. Cependant
quel desordre, Polydas, les cabinets regorgent
de pieces de cette nature : toute l’Europe
est remplie de nostre honte, & il n’y a point de Nation
qui n’aye des monumens de nos sottises & de
nos malheurs ? Oserois-je me plaindre ou nous iustifier
de ces autres infames productions, dont la
mesdisante brutalité n’a point d’exemple ? Non,
Polydas, les Royaumes estrangers ont leurs honnestes
gens aussi bien que la France, qui pour peu
qu’ils ayent de polytique ou de vertu, ne penseront
pas que ces horreurs viennent d’vne autre part,
que de quelques Estrangers nos Ennemis, ou de
François tres-vicieux, & par consequent indignes
d’estre crus ou applaudis.
 
Et de faict, quel applaudissement à des Esclaues
qui ont mesme corrompu les Loys des Saturnales,
& qui ont inuenté des crimes à leurs Maistres,
au lieu d’en dire les deffauts ? Mais que dis-je, sommes
nous dedans le Paganisme ? sommes nous de