[retour à un affichage normal]

Mazarinade n° B_1_8

Image de la page

Anonyme [1651], PANEGYRIQVE DV ROY TRES-CHRESTIEN LOVYS XIV DIEV-DONNÉ, SVR SA MAIORITÉ. OV SONT LES TRES-HVMBLES supplications faites à sa Majesté, de vouloir couseruer Monsieur le Prince dans l’honneur de ses bonnes graces. , françaisRéférence RIM : M0_2663. Cote locale : B_1_8.

à qui celuy là puisse commander, qui cessera vne
fois de vous obeïr, si ce n’est qu’il aille commander
aux Enfers qui est vne souueraineté encore pire
que la seruitude, dit le Poëte des Grecs.
 
Voila, Sire, en peu de paroles ce que vous auez
à esperer de ce secours diuin qui ne vous peut manquer
& qui destournera toute sorte de peril de vostre
sacrée personne quand elle se trouueroit
bien endormie sur sa confiance ; mais voicy ce
qu’il y a à euiter du costé des hommes : Il se pourra
faire qu’il y aura grand nombre de ces Esprits formez
de la corruption, qui non moins dangereux
que les tonnerres qui se leuent à l’aube du jour, au
premier rayon que jettera vostre grandeur, voudront
ruiner ces beaux & rauissans mouuemens de
vostre ame, & feront ce qu’ils pourront pour diuertir
le cours de vos bonnes intentions, sçachant
que de tous les Roys, il n’y a que les bons & ceux
qui sont plus éclairez, qui s’exposent dauantage
aux surprises.
Peut-estre qu’il y en a desja eu de ceux-là qui ont
commencé de se couurir du credit de vostre nom,
pour décrier plus aisément la conduite de ces Personnes
qui sont eternellement vnies à la vostre, par
deuoir & par naissance, comme par inclination &
par sang. Vostre Majesté l’a desja reconnu puis
que par vne action liée à celle de sa Majorité, &
sans diuertir ses pensées, elle a fait le premier employ