Mazarinade n° C_12_36
Image de la page
Anonyme [1652], OVIDE PARLANT A TIESTE, Luy monstrant l’ordre qu’il doit tenir pour gouuerner vn Estat, & le rendre victorieux malgré ses Ennemis. I. Que la Coustume doit estre obseruée, sans que l’on
y puisse mettre empeschement. II. Que les Loix receuës, ne se doiuent aucunement changer. III. Que l’Espée roüillée de Iustice, peut perdre le Mazarin par ses nouuelles Loix. IV. Que les Loix permettent d’appeler mains ennemies pour esuiter vne continuelle guerre. V. Que les Vertus modernes, ce doiuent loüer autant que les anciennes. VI. Que son Altesse Royalle, Messieurs les Princes, & le Parlement, sont obligez de retirer le Roy d’entre les mains du Mazarin. , français, latinRéférence RIM : M0_2637. Cote locale : C_12_36.
auala ce breuuage qu’il luy auoit presenté. Fut-ce
pas exprimer cette resolution, que si ses amis le vouloient
tuer, il consentoit qu’ils le peussent faire ? Ce
Prince est le souuerain patron des actes hazardeux :
mais ie ne sçay s’il y a traict en sa vie, qui ait plus de
fermeté que cettuy cy, ny vne beauté illustre par
tant de visages. Ceux qui preschent aux Princes la
deffiance si attentiue, sour couleur de leur prescher
leur ruine & leur honte. Rien de noble ne se fait sans
hazard. I’en sçay vn de courage tres martial de sa
complexion, & entreprenant, de qui tous les iours
on corrompt la bonne fortune par telles persnasiuns :
Qu’il se resserre entre les sens, qu’il n’entende à aucune
reconciliation de ses anciens, se tienne à part,
& ne se commette entre mains plus fortes, quelque
promesse, qu’on luy fasse, quelque vtilité qu’il y
voye I’en sçay vn autre, qui a inesperement auancé
sa fortune, pour auoir pris conseil tout contraire. La
hardiesse dequoy ils cherchent si euidemment la
gloire, se presente, quand il est besoin, aussi magnifiquement
en pourpoint qu’en armes : en vn cabinet,
qu’en vn camp : le bras pendant, que le bras leué.
La prudence si tendre & circonspecte, est motte ennemie
des hautes executions. Scipion sçeut pour pratiquer
la volonté de Syphax quittant son armée,
abandonnant l’Espagne, douteuse encore sous sa
nouuelle conqueste, passer en Affrique, dans deux
simples vaisseaux, pour se commettre en terre ennemie,
à la puissance d’vn Roy barbare, à vne foy inconnuë,
sans obligation, sans hostage, sous la seule
seureté de la grandeur de son propre courage, de son
bon-heur, & de la promesse de ses haotes esperances.
Habita fides ipsam plerumque fidem obligat. A vne
vie ambitieuse & fameuse, il faut au rebours, prester
peu, & porter la bride courte aux soupçons : La
crainte & la deffiance attirent l’offence & la conuient.
Image de la page