Mazarinade n° B_11_23
Image de la page
Anonyme [1652], OBSERVATIONS VERITABLES ET DES-INTERESSEES, Sur vn escrit imprimé au Louure, INTITVLÉ LES SENTIMENS D’VN FIDELLE SVIET DV ROY, Contre l’Arrest du Parlement du 29. Decembre 1651. Par lesquelles l’authorité du Parlement, & la Iustice de son Arrest contre le Mazarin, est plainement deffenduë; & l’imposteur qui le condamne entierement refuté. Par vn bon Ecclesiastique tres-fidelle sujet du Roy. PREMIERE PARTIE. Qui iustificat impium, & qui condemnat iustum; abominabilis est vterque apud Deum; Prouerb. cap. 17. vers. 15. , français, latinRéférence RIM : M0_2574. Cote locale : B_11_23.
mal fait notoire, prononcer l’Arrest ou Sentence, ou tenir l’Arrest pour
prononcé, & aller promptement à l’execution, & à la voye de fait bien
entreprise, & bien sagement & promptement executée, &c.
Ierosme le Noir escriuant de Rome le 8. Decembre 1523. au
Seigneur Marc-Antoine Micheli luy mande, qu’vn Gentilhomme
Florentin de la Case Orlandine, ayant fait gageure
auec vn autre Citoyen, que le Cardinal de Medicis ne seroit
point Pape, aduenant l’election ; L’autre luy demanda ce que
portoit la gageure, & luy respondit que premierement il vouloit
sçauoir si on l’auoit esleu Canoniquement. Il est accusé de
cette parole deuant les huict Seigneurs de la Iustice, lesquels
indignez que cét homme reuoquast en doute la felicité de
leur Ville en ce second Pape sorty d’entre-eux, le firent empoigner
& soudain luy firent trancher la teste.
Epistres des
Princes, recueillies,
par
Hieros. Ruscelli,
fol. 195.
Quelle forme garda le Mazarin pour faire deux Princes du
Sang, & vn Duc & Pair leur allié, prisonniers en mesme temps ?
& pour faire mourir par poison Monsieur le President Barillon
en vn paїs estranger ?
Le Parlement l’a-t’il traité de la sorte ? qui peut l’accuser justement
en sa procedure contre ce coupable conuaincu, &
contre ce criminel public, sinon de trop de douceur & de trop
de circonspection pour purger l’Estat d’vne peste qui le corrompt,
& pour abbatre vn monstre qui deuore tous les peuples,
& qui deschire toute la France. Les raisons par nous alleguees,
& les exemples que nous venons de rapporter, doiuent
conuaincre les plus opiniastres, & ramener les plus aueuglez
dans ces sentimens ; C’est pourquoy examinons si son Panegiriste
a sujet de reformer & de condamner comme il fait, l’Arrest
qui met la teste a pris de ce rebelle insuportable.
Ayant fait des nullitez à sa mode, il prend l’authorité de reformer
tout seul & souuerainement l’Arrest d’vn grand Senat
qui le jugera bien-tost tres-assurément s’il ny prend garde ; Disant
en la page 20. & 21. de sa Satire, qu’il paroist à son aduis, &
par les raisons qu’il vient d’alleguer, que l’Arrest nouuellement rendu
en la Cour des Pairs contre la vie de Monsieur le Cardinal, est vn Arrest
sans force aussi bien que sans forme, & vne condamnation auortée & tumultuaire,
nulle & inualide, pour auoir esté manifestement portée contre
l’ordre Juridique, qui donne vigueur aux Loix des Magistrats & des
Image de la page