[retour à un affichage normal]

Mazarinade n° A_6_36

Image de la page

Anonyme [1649], NOVVELLES REMONSTRANCES A LA REINE REGENTE, Sur le gouuernement de l’Estat. , françaisRéférence RIM : M0_2561. Cote locale : A_6_36.

esblouye de l’esclat de la pourpre, ny surprise par
les intrigues d’vn Ministre, ny intimidée par les menaces
d’vn jeune victorieux, ny arrestée par l’authorité
d’vne Regence : cette pensée vous doit rendre
sensible aux miseres de cét Estat, lequel se voyant
aux termes d’estre partagé par mille sorte de diuisions,
vous conjure de preuenir ce desordre, & de
vous souuenir que le Roy vostre fils ne peut rien
moins attendre de vos soins qu’vn gouuernement
plein de gloire & de succés, se promettant que vous
luy remettrez entre les mains son Estat, aussi heureux
& aussi paisible comme le Roy son pere vous l’auoit
laissé. Ce fut pour luy donner la paix, & porter la
tranquilité dans le sein de son Royaume, que ce
Prince aussi juste que victorieux a porté ses conquestes
au delà de ses bornes, afin que luy donnant part
au succés de la guerre, il l’exemptast à mesme temps
des miseres qui l’accompagnent, & qu’il en esloignast
les moindres disgraces.
 
Ce fut dans ce dessein qu’il prodigua ses Finances,
qu’il a espuisé ses veines, le sang & la vie de tant de
Noblesse, & la seule passion de conseruer Paris,
comme le cœur qui inspire le peu de vie qui luy reste
à toutes les parties du Royaume, l’a engagé en mille
combats, l’a reduit a soustenir des assauts sans nombre
dessus la frontiere, & à estendre ses armes sur les
terres ennemies ; & cependant le seul desir d’vne
vengeance porte le feu au milieu de cette place, qui
a fait les delices de nos Roys, & les sueurs & les fatigues