[retour à un affichage normal]

Mazarinade n° C_6_34

Image de la page

Anonyme [1649], NOVVELLES APPORTEES AV ROY LOVIS XIII. DANS LES CHAMPS ELISEES, Et son entretien auec les Heros & les principaux Seigneurs de sa Cour, touchant la funeste guerre que Mazarin a allumée dans la France. Et la description des principales choses qui sont arriuees depuis l’enleuement du Roy, qui est tout l’Histoire du temps. , françaisRéférence RIM : M0_2555. Cote locale : C_6_34.

donner entiere foy & creance ; Et sur ce ie prie Dieu de vous
auoir, Messieurs, en sa saincte garde.
 
De Bruxelles le 10. de Fevrier 1649.
Vostre tres-affectionné seruiteur,
Leopold Guillaume.

Et la souscription estoit en cette sorte.
A Messieurs, Messieurs les Presidens, & Gens
tenans la Cour de Parlement à Paris.
Relation de ce que le Seigneur Dom Ioseph d’Illescas,
enuoyé par l’Archiduc Leopold, a dit au Parlement
le 19. Fevrier 1649. apres auoir esté introduit,
& presenté la Lettre dont la copie est cy-dessus.
IL a dit, Qu’il estoit enuoyé par l’Archiduc son Maistre,
au Parlement, & qu’il ne doutoit pas que sa venuë, ne
fut tres-agreable à la Compagnie, puis qu’il apportoit les offres
de la Paix, tant desirée par toute la Crestienté, & si necessaire
au bon-heur & à la tranquilité des deux Royaumes : Qu’il
estoit vray que depuis deux ans le Cardinal Mazarin ne l’auoit
pas voulu conclure ; quoy qu’il eut peule faire auec des conditions
auantageuses à la France : Mais que depuis la sortie du
Roy hors de Paris, ledit Cardinal auoit recherché & proposé
vn accommodement, auec des conditions auantageuses à l’Espagne,
ayant tesmoigné que son principal motif estoit de chastier
(ainsi qu’il disoit) les rebelles du Parlement, & mettre Paris à
la raison, apres qu’il auroit joint les forces de France & d’Espagne