[retour à un affichage normal]

Mazarinade n° A_6_44

Image de la page

Anonyme [1649], NOVVELLES APPORTEES AV ROY LOVIS XIII. DANS LES CHAMPS ELISEES, Et son entretien auec les Heros & les principaux Seigneurs de sa Cour, touchant la funeste guerre que Mazarin a allumée dans la France. Et la description des principales choses qui sont arriuees depuis l’enleuement du Roy, qui est tout l’Histoire du temps. , françaisRéférence RIM : M0_2555. Cote locale : A_6_44.

de celle de ses Concitoyens, il le fit mener au plus magnifique
apartement de son Palais, & fit en sorte que Minos & Radamante
le iugerent digne d’estre rendu eternellement bien-heureux. Le Roy
procura aussi les mesmes recompenses au ieune Tancrede, & le Duc de
Rohã, eut charge de sa Maiesté de les mener tous deux a la Diuinité qui
preside en ses lieux pour estre enrolez au nõbre de ses plus chers fauoris.
Sur ces entrefaites l’on entendit vn grand bruit à la porte de ce biẽ
heureux seiour, & comme le Roy s’informa de ce qui causoit ce tumulte,
vn des officiers qui estoit en garde pour empescher l’entrée à
ceux qui s’en estoient rendus indignes, vint aduertir le Roy que le
Seigneur de Chastillon & plusieurs autres François tous couuerts de
blessures, auoient voulu entrer mais qu’on les auoient repoussez ;
comme indignes d’estre admis à la compagnie des Heros ; sur quoy
ledit Seigneur de Chastillon s’estoit fasché croyant d’auoir fait d’assez
belles actions pour meriter ceste felicité ; mais que le Capitaine qui
commandoit à la porte sçachant tres-bien les crimes qui en peuuent
empescher l’entrée leur auoit dit tout haut, qu’encore qu’il sceut fort
bien que le sieur de Chastillon, & la pluspart de ceux qui l’accompagnoient
s’estoient signalés en plusieurs importantes occasions,
pourtant ils en auoient terny le lustre & en auoient entierement perdu
le merite & la recompense, en faisant la guerre à leur patrie, il leur dit
de plus qu’il sçauoit tres-bien que Minos & Radamante, les renuoyeroient
encore plus rigoureusement & les feroit ietter dans le Tartare
pour y estre tourmentez eternellement : mais que pour tascher de les
fauoriser, il leur promettoit d’aller interce der pour eux, & que cependant
ils se tinsent vn peu à l’escart.
 
Tellement que la chose ayant esté mise en deliberation deuant le
Tribunal de ces Iuges équitables ; le Roy accompagné de plusieurs
illustres Heros, entre lesquels le Mareschal de Chastillon se rencontra,
(sa Maiesté l’ayant enuoyé querir pour le consoler du malheur
de son fils ;) apres plusieurs contestations il fut iugé qu’a la consideration
du grand merite & de l’inuiolable fidelité dudit Mareschal de
Chastillon, qui mesme durant les guerres de la Religion, n’auoit
iamais abandonné le seruice du Roy, & s’estoit tousiours montre tres-constant
à la conseruation du bien public ; son fils seroit receu dans
les champs Elizées, pour iouir des felicitez que les autres y goustent,
d’autant mieux qu’il auoit en quelque façon reparé son crime par
vne veritable repentance, & par les excellentes & Chrestiennes admonitions