[retour à un affichage normal]

Mazarinade n° B_12_47

Image de la page

Anonyme [1652], MOYENS INFAILLIBLES, POVR FAIRE PERIR le Cardinal Mazarin, & la guerre à ses despens. , françaisRéférence RIM : M0_2517. Cote locale : B_12_47.

MOYENS INFAILLIBLES
pour faire perir le Cardinal Mazarin, &
la guerre à ses despens.
LE premier, faire fonds de la somme de cent
cinquante mil liures, accordée pour le prix
de sa teste, dont l’asseurance & consignation
en doit estre effectiuement faite entre les
mains de personnes de probité, tant en cette
ville que dans les Prouinces, mesme hors le Royaume par
correspondance. Il y a des biens dans Paris appartenãt audit
Mazarin, pour plus de huict cens mil liures ; ainsi cette consignation
doit estre faite dans vingt-quatre heures, cela fait il
se trouuera beaucoup de gens d’honneur, mesme de ses domestiques
qui seront cette expedition si necessaire.
Le second, pouruoir à ses Benefices, il est à present au
pouuoir de son Altesse Royale, du moins commettre des
personnes de probité pour en perceuoir le reuenu qui est
par chacun an de trois cens mil liures, sans y comprendre
prés de dix mil liures en loyers de maisons, scizes en cette
ville, dependantes de deux de ses Abbayes.
Sera obserué qu’il est à present deub deux années du reuenu
de ses Benefices, qui peuuent monter à six cens mil liures
qui doit estre argent contant ; Les adiudications
ont esté faites à la Barre de la Cour à des particuliers habitans
bourgeois de Paris, lesquels n’ont deub payer à qui que
ce soit, sinon à Maistre Claude Martiner, Receueur &
Payeur des Officiers de la Cour, commis par Arrest les
Chambres assemblées, datté du septiesme Septembre mil
six cens cinquante-vn, lequel n’a receu aucune chose.
Il est vray que par l’addresse de Messieurs les Presidens