Mazarinade n° C_6_5
Image de la page
Anonyme [1649], MANVEL DV BON CITOYEN, OV BOVCLIER DE DEFENSE LEGITIME, Contre les assauts de l’Ennemy. , françaisRéférence RIM : M0_2406. Cote locale : C_6_5.
catalogue public, comme on fait des Interdits en l’Estude des Notaires.
Cependant il n’y a ny Prince ny Magistrat, pour vaillant &
innocent qu’il puisse estre, pour eminent que soit le degré de sa naissance,
ou de sa vertu, qui se puisse asseurer d’estre hors des prises, &
des atteintes de leur insolence. Nous auons ouy dire de fort bonne
part, que le feu Roy ayant esté trauaillé durant toute vne nuict d’vn
songe qui luy representa les détresses où estoit la Reyne sa Mere, &
les reproches qu’elle luy en faisoit : Il s’esueilla en sueur & en fiévre ;
dont son Medecin Bouuard ayant donné aduis au Cardinal de Richelieu,
on attitra les Bouffons, lesquels sur l’apresdisnée entretenant
ce trop credule Prince de differens sujets : L’vn d’entr’eux ayant
voulu faire le recit d’vn songe, qu’il feignoit d’auoir eu quelque
nuict auparauant, qui luy auoit donné de l’inquietude, les autres l’entreprirent,
le raillerent, & le traiterent de ridicule ; ainsi penserent-ils
eluder cette inspiration du Ciel. Le Roy neantmoins estonné de sa
vision, s’en declara au Cardinal, qui la sçauoit déja, lequel adroitement
luy dist, qu’il falloit donc rappeller la Reyne sa Mere ; mais
qu’il falloit que ce fust honorablement, & en payant les debtes
qu’elle auoit contractées chez les Estrangers, & qu’il en feroit dresser
l’estat. Il n’est pas besoin d’en dire la suite ; suffit de faire paroistre de
quels artifices, & de quels charmes ces pernicieuses gens-là ensorcellent,
& damnent les Princes. Non, ny les Iuifs, ny les Vsuriers, ny les
faux Monnoyeurs ne sont point si dangereux dans les Republiques.
C’est neantmoins du milieu de ces gens-là que nous attendons l’éducation
de nostre ieune Prince. Pensez, Messieurs du Parlement, si
vous n’en deuez point faire vn article exprez de vostre Conference,
& voyez si le feu Prince de Condé a voulu que Messieurs ses enfans
pendant leur ieunesse, & tant qu’il a vescu, fussent halenez de ces
pestes. Il se presente vn quatriéme obstacle contre les bons desseins
de ce Party : C’est la ialousie de plusieurs Officiers, qui ont regret de
voir accroistre l’authorité du Parlement, & qui se confondent de leur
paresse, & de leurs lasches conniuences : Car quant à ceux qui ont eu
participation de profit auec les Traittans, ils sont gibier de Tournelle
& de Chambre de Iustice. Mais il y a de pacifiques Seigneurs, qui
verroient toute la ville en feu, & ne voudroient pas contribuer vn
verre d’eau pour l’assoupir & pour l’esteindre, pourueu qu’ils eussent
asseurance de n’en estre point endommagez. Du coin de leur feu, &
Image de la page