[retour à un affichage normal]

Mazarinade n° B_11_20

Image de la page

Anonyme [1652], MANIFESTE DE LA VILLE DE PARIS, CONTRE LE RETOVR du Cardinal Mazarin. DEDIE A SON ALTESSE ROYALE. , français, latinRéférence RIM : M0_2362. Cote locale : B_11_20.

l’entrepristes auec toutes ses forces, & lors qu’il auoit jetté la
crainte & l’epouuante par tout. Mais à present qu’il a esté
entamé de tous les costez, il ne faut pas de grands efforts pour
l’abbatre. C’est vostre ouurage, MONSEIGNEVR, personne
ne vous peut desrober l’honneur de cette victoire. Vous
auez l’authorité par le droict de la naissance, tous les Parlemens
vous priant de l’employer pour la tranquilité publique, tous les
Peuples vous en conuient. S’il y a quelqu’vn qui murmure, ce
ne peuuent estre que des ignorans ou des meschans, qui ont correspondance
auec nos ennemis, ou qui ne connoissent pas les droicts
& les interests de la Couronne, & moins encores leur propre bien.
 
Prenez le Timon auec assurance ; & s’il y a quelque chose qui
charge le vaisseau & qui le puisse faire [illisible]
MONSEIGNEVR, les loix de la mer, [illisible]
mais que par là dans l’orage & dans la tempeste.
Mais ie m’asseure, MONSEIGNEVR, que vostre Altesse
ne trouuera personne qui ose s’opposer à [illisible]prise,
il n’y a point de peril du tout. Tout le monde [1 mot ill.] vostre
sage conduite, & la sincerité de vos intentions. Nous apprenons
de toutes parts que les Peuples sont desia armez pour
ecraser ce Tyran, qui est rentré dans le Royaume auec le flambeau
à la main. Tous les Parlemens lancent leurs foudres pour
authoriser cette action de Iustice, il n’y a personne qui ne veuille
auoir part à la deffaite, & qui ne pretende se signaler dans
cette occasion.
L’agitation ne sera pas longue, cependant on vous appellera le
Dieu du repos & de la paix generale, que ce meschant a tant de
fois rompuë pour satisfaire à son ambition & à son auarice. Le
Roy vous en remercira, vous en receuerez les vœux & les benedictions
de tous les Peuples, comme vous receuez auiourd’huy les
respects & les soubmissions de celuy qui est,
MONSEIGNEVR,

De vostre ALTESSE ROYALE
le tres humble & tres-obeïssant
seruiteur N. P.