[retour à un affichage normal]

Mazarinade n° B_11_20

Image de la page

Anonyme [1652], MANIFESTE DE LA VILLE DE PARIS, CONTRE LE RETOVR du Cardinal Mazarin. DEDIE A SON ALTESSE ROYALE. , français, latinRéférence RIM : M0_2362. Cote locale : B_11_20.

Mazarin, peut-elle fournir à cette despense, &
estancher sa soif insatiable : car il ne reuient icy que
pour nous oster ce qui nous reste, & pour nous donner
au pillage à toutes les nations Estrangeres.
 
Quelqu’vn dira peut estre qu’il faut attendre
tous ces maux, que Paris s’en deffendra bien, quand
on le voudra entreprendre.
Quoy nous pouuons attaquer à present ce cruel
ennemy, & le deffaire en quelque lieu qu’il soit, &
nous attendrons qu’il nous attaque. Nous pouuons
esloigner le mal de nous, & nous attendrons qu’on
nous ait assiegé, qu’on se soit saisi de tous nos passages,
qu’on nous fasse crier à la faim, & qu’on nous
mette en estat de souffrir des chaisnes & la derniere
seruitude.
Au reste qui nous peut asseurer que tous les peuples
de la France seront tousiours dans la mesme resolution,
dans l’vnion auec nous contre le Cardinal
Mazarin. Si l’espouuante nous prend vne fois, le
nombre est inutile, il sert plustost à la deffaite.
Quand le peuple ne craint rien on peut tout esperer
de sa force, mais quand il commence à craindre, il
ne faut rien attendre de luy.
Qui nous asseurera que tous les Parlemens seront
tousiours dans vne mesme correspondance.
Bref, qui nous peut asseurer, qu’ayant abandonné
les Princes dans vne occasion si glorieuse, nous
les trouuerons tousiours disposez à s’engager à
nostre protection : Si leurs interests seront tousiours
meslez, comme ils sont aujourd’huy, auec les interests