[retour à un affichage normal]

Mazarinade n° A_5_23

Image de la page

Anonyme [1649], LETTRE D’AVIS A MESSIEVRS DV PARLEMENT DE PARIS ESCRITE PAR VN PROVINCIAL. , français, latinRéférence RIM : M0_1837. Cote locale : A_5_23.

l’Ordre des Cheualiers, qui n’estoit que mitoyen, parce qu’il estoit
la pepiniere & le seminaire de celuy du Senant. C’est l’estime qu’on
a tousiours fait de cet Ordre supréme, si bien qu’au temps mesme
de la decadence finale de l’Empire, l’on n’y receuoit que des personnes
de qualité, connues par leur vertu & par leurs merites, suiuant
ce qu’en dit Theodotic & Cassiodore, admittendos in Senatum
examinare cogit sollicitiùs honor Senatus.
 
Exemples,
De toutes ces causes en naist vne quatriéme, qui est vn monstre ;
sçauoir, la diuision & desvnion de vostre Compagnie ; monstre voirement,
si nous n’aimons mieux l’appeller vne peste, qui vous infectant,
porte en suitte auec soy ! infection & la corruption par toute
la France. Messieurs, croyez moy, vous n’auez rien à craindre
des armes du dehors ; & quand vos Ennemis auroient autant de Prouinces
pour eux qu’ils en ont contre, ils ne vous peuuent rien faire,
pourueu que vous conspiriez tous à vne mesme fin, & que vous
fassiez la paix, ie ne dis pas au dedans de la Ville seulement, mais
dans vous mesmes. Ie ne sçaurois penser à cette prodigieuse grandeur
où est montée la Republique Romaine, sans entrer dans des
transports d’estonnemens, & sans conceuoir comme vn prodige leur
iudicieuse conduite. Car qui est ce qui l’a ainsi eleuée, ce n’a pas esté
le nombre des années qu’elle entretenoit ? au commencement elle
n’estoit composée que de trois mil hommes de pied & de trois cens
cheuaux ; & toutesfois à peine estoit-elle establie, qu’elle se suscite
des guerres de gayeté de cœur. Ce n’estoit pas sur la forteresse de ses
remparts qu’elle se fioit, à peine y auoit-il quelque terrasse pour
renfermer enuiron mille maisons, ou plustost chaumieres qui furent
premierement basties. Estoit ce point l’intelligence qu’elle auoit
auec les Villes voisines ? bien loin de cela, il n y en auoit point qui
ne taschast de l’estouffer dans le berceau. Qu’estoit-ce donc ? sans
doute il ny a point d’autre cause humaine, [1 mot ill.] l’Vnion admirable
de toutes ses parties. Il ny auoit point de Citoyen depuis le plus
grand iusques au plus petit, qui ne concourust a l’augmentation de
sa ville, auec autant d’ardeur que s’il eust crû pouuoir s’arquerit
vn Royaume à luy tout seul. Que ne fist point le Senat apres l’adultere
commis en la personne de Lucrece ? Ie rapporteray volontiers
en passant l’histoire de ce temps là, qui a beaucoup de conformité
auec la conioncture de vos affaires. Le Senat auoit esté mal-traitté
par [1 mot ill.] Superbe, qui en auoit fait mourir les principaux,
banny les autres, on fait languir dans des prisons autant qu’il
pouuoit s’imaginer y en auoit qui detestoient sa tyrannie : Le peu
qui en [1 lettre ill.]estoit estoient si effrayez de ces cruautez [1 mot ill.], qu’ils n’osoient
pas mesme lascher vne parole qui approchast de la plainte ; si
bien que quand Brutus s’en vint du camp de deuant A[1 lettre ill.]dée a Rome,