[retour à un affichage normal]

Mazarinade n° A_5_33

Image de la page

Anonyme [1649], LETTRE DESCHIFREE, Contenant plusieurs aduis qu’vn des Emissaires & Espions de Iules Mazarin luy donnoit de ce qui s’est passé icy depuis le 21. du mois de Fevrier mil six cens quarante-neuf. Auec l’ordre des chifres qui se peuuent lire aussi facilement que les lettres communes. , françaisRéférence RIM : M0_2066. Cote locale : A_5_33.

la Grande Salle, auec des armes
à feu sous leurs manteaux,
afin que nous nous en puissions
seruir en cas de besoin. Le
nommé la Roussiere, arriua
hier au soir, il dit venir de la
part du Duc de Longue-ville,
& asseure qu’il a beaucoup
de monde, mais dispersé. L’on
tint Conseil là dessus, & on
resolut que le Mareschal sortiroit
auec cinq cens cheuaux
ce matin, pendant que l’on feroit
courre le bruict icy qu’il
alloit au deuant, quoy qu’il
n’eust dessein que d’aller au
Bourget : L’on a fait tenir les
Troupes prestes, quelques vnes
ont des-ja marché, &
vont de ce costé. On fait charger
des charrettes d’attirail,
de planches, de charpentes,
de paesles, hoyaux, & autres
choses necessaires, qui doiuent
partir cette nuict, pour
inuestir Sainct Denis, & se
preualloir de l’absance des
Troupes, & les faire quitter
la Brie. L’on a semé des billets
en cette Ville, ou l’on
dit : Que si on veut declarer le
Prince de Condé Regent,
il emmenera le Roy icy, &
sacrifiera son Eminence au
peuple. Monsieur de Laulne
s’est sauué chez Monsieur de
Cheureuse, où il trauaille fidellement.
Faites prendre