[retour à un affichage normal]

Mazarinade n° B_12_51

Image de la page

Anonyme [1652], LES TRAHISONS DESCOVVERTES DE MAZARIN DANS LE CONSEIL de la Reine, pour empescher la Conference de Messieurs les Deputez. , françaisRéférence RIM : M0_3793. Cote locale : B_12_51.

que ie vous donne de cette verité, ie ne vous dẽmande,
sinon que vous preniez la peine de faire vn peu de reflexion
sur ce qui s’est passé depuis trois ans pour abuser vostre crudelité,
& sur les diuerses circonstances dont le Cardinal se
sert tous les iours pour nous persuader que ce qu’il veut que
nous croyons est veritable, car considerant auec attention
les moyens qu’il prend pour donner croyance à ces fourberies,
vous descouurirez sa meschanceté manifeste.
 
Quand les armes du Roy remportent des victoires, il n’est
point necessaire que sa Majesté en escriue à ces subjets pour
leur persuader qu’elles ont bien reüssi, la renommée a cela en
soy, que le seul esclat d’vn bon succez fait suffisamment retentir
les triomples que l’on remporte, & sans auoir besoin
de Lettres de cachet qui en fassent foy, l’on est tousiours
bien instruit de ce qui se passe dans le Royaume : Mais quand
on a dessein de supposer vne chose qui n’est point, l’on est
contrainct de se seruir de quelque ruse, qui donnant couleur
à la chose inuentée, luy establisse quelque foible fondement
qui surprenne pour vn peu de temps nos entendemens.
Le Cardinal Mazarin dans le dessein qu’il a de nous
tromper par toutes sortes de moyens, ne pert point d’occasion
de nous en donner des preuues : Car il n’a pas si tost appris
que le Parlement se doit assembler pour le bien public,
il depesche d’abort vn Courrier au Mareschal de l’Hospital
& au Preuost des Marchands ses confidants, auec vne Lettre
qui porte le nom du Roy, par laquelle il leur raconte le succez
d’vn combat immaginaire, qu’il dit auoir remporté sur
ses ennemis, afin que rafroidissant les esprits par la crainte
qu’il pretend nous donner par ses armes, il differe tousiours
d’autant sa perte en continuant nos souffrances.
Mais ce que nous deuons principalement remarquer
dans vne pareille conjoncture, est que bien souuent toutes
ces Lettres que l’on monstre au public au nom du Roy, n’ont
iamais esté à la Cour, & que les Partisants que le Cardinal
a dans Paris né font que remplir des blans signez qu’on leur
a laissé des choses qu’ils s’imaginent pouuoir empescher le