[retour à un affichage normal]

Mazarinade n° A_6_74

Image de la page

Anonyme [1649], LES PRESSANTES EXORTATIONS DE L’EVROPE, AVX QVATRES MONARCHIES Chrestiennes, & autres Etats de son Empire, pour la paix vniuerselle, & l’vnion de leurs armes, pour la destruction de l’Empire Ottoman. , françaisRéférence RIM : M0_2863. Cote locale : A_6_74.

qui sont aussi nommez par la Sainte Ecriture,
les Ministres de Dieu. Ce Seigneur par la
bouche de son Prophete Esaye dit ; Que les Capitaines
entrerent par la porte de Babylone ; I’ay
commandé à mes Sanctifiez, i’ay appellé mes
hommes forts, & dispots à mon ire, affin qu’ils se
glorifient en ma gloire. Esaye disoit cecy pour le
Roy Cirus, & pour le Roy d’Aire. Nous voyons
par là, comme Dieu appelle les Medes & les Perses,
ses sanctifiez, qui toute fois n’estoient nais,
ny saints, ny iustes : mais seulement executeurs
de la volonté du tres haut, pour punir Babilone,
En vn autre endroit de l’Ecriture, Ezechiel dit.
Ie meneray mon seruiteur Nabuchodonosor, &
pour ce qu’il m’a bien seruy pres de [1 mot ill.], ie luy
donneray aussi Egypte. Si ce Prince n’estoit il
point seruiteur de Dieu ; puis qu’il ne le connut,
ne le seruit, ny ne creut iamais en luy, non plus
que Cyrus, & Daire, & toutefois ils étoient executeurs
de sa iustice, & auec cette intelligence ils
furent nommez ses seruiteurs. Le cruel Totila
Roy des Gots, étoit nommé fleau de Dieu, &
étoit par tout pour tel estimé. Le grand Tamburlan
qui regnoit au temps de nos ayeux tres-puissant,
& tres-cruel Capitaines, qui vainquit, &
subiugua tant de Prouinces, enquis pourquoy il
étoit si furieux, & si inhumain enuers les hommes
qu’il vainquoit, respondit en grande colere ;
Pensez-vous que ie sois autre chose que l’ire de